पहिले र अहिलेको रोयल इन्फिल्ड क्लासिक ३५० मा यस्तो छ परिवर्तन

रोयल इन्फिल्डको २०२१ क्लासिक ३५० बुलेट लन्च गरिएको छ । यसको सुरुवाती एक्स शोरुम मूल्य १ लाख ८४ हजार भारु तोकिएको छ । कम्पनीले यसको पुरानो मोडलको तुलनामा केही कस्मेटिक परिवर्तन गरेको छ । कम्पनीले सो बुलेट ५ भेरिएन्टमा लन्च गरेको छ ।

इन्जिन
बुलेटमा नयाँ जे प्लेटफर्म ३४९ सीसी इन्जिन उपलब्ध रहेको छ । जसलाई ३४६ सीसी यूसीई इन्जिनमा रिप्लेस गरिएको छ । कम्पनीका अनुसार यसको इन्जिन मेटियर ३५० जस्तो छ । यद्यपि यसमा इग्निसन टाइमिङ, एक्जस्ट लेआउट र फ्युलिङ म्याप रहेको छ । पुरानो क्लासिकमा भएको पुसरड भल्व सिस्टमको स्थानमा एसओएचसी टु–भल्व हेड जडान गरिएको छ । सो इन्जिनले २०.३ एचपीको पावर र २७ एनएमको टर्क जेनेरेट गर्छ । यसको इन्जिनलाई ५ स्पिड गियरबक्सको साथमा जोडिएको छ ।

च्यासिस
रोयल इन्फिल्डले बुलेटको च्यासिसमा पनि परिवर्तन गरेको छ । २०२१ मोडलमा सिंंगल क्रेडल फ्रेमलाई डबल डाउनट्युब युनिटमा परिवर्तन गरिएको छ । नयाँ क्लासिकमा ४१ एमएम टेलिस्कोपिक फोर्क उपलब्ध रहेको छ । २०२१ क्लासिक ३५० को ग्राउन्ड क्लियरेन्स ३५ एमएम बढाएर १७० एमएम गरिएको छ । सडकमा राम्रो कन्ट्रोलको लागि यसमा ३०० एमएमको फ्रन्ट डिस्क र रियरमा २७० एमएमको रोटर डुअल च्यानल एबीएस समावेश गरिएको छ । सिंगल च्यानल एबीएस मोडलको रियरमा ड्रम ब्रेकको प्रयोग गरिएको छ ।

फिचर
२०२१ क्लासिक ३५० मा अपडेट इन्स्ट्रयुमेन्ट क्लस्टर समावेश गरिएको छ । जसमा पहिलो पटक एलसीडी फ्युल गेज उपलब्ध रहेको छ । यसमा दुई ट्रिप मिटर समावेश गरिएको छ । टप स्पेक क्रोम भेरिएन्ट पनि ट्रिपर नेभिगेसन डिस्प्लेको साथमा उपलब्ध रहेको छ । यसलाई राइडरको स्मार्टफोनको मदतले कनेक्ट गरी गुगल म्याप डेटाको प्रयोग गरिन्छ र नेभिगेसन सम्बन्धी सबै जानकारी देखाउँछ । बाइकको चारैतिर अपडेट लाइट पनि समावेश गरिएको छ । साथै यसमा अपडेट गरेको स्विचगियर समावेश गरिएको छ ।