यस्तो छ, रोयल इन्फिल्ड क्लासिक ३५० सिग्नल्स एडिसन (फिचर र मुल्य सहित)

काठमाडौं – रोयल इन्फिल्डको नेपालका लागि आधिकारिक वितरक अल्फा अटोमोटिभ प्रालिले हालै क्लासिक ३५० सिग्नल्स एडिसन लन्च गरेको छ । बाइकको सुरुवाती मूल्य ५ लाख ५५ हजार ७०० तोकिएको छ ।

३५० सीसी इन्जिनको यो मोटरसाइकललाई रोयल इन्फिल्डको पुरातात्विक तथा पोस्ट वार जीटु मोडलको उत्प्रेरणा जगाउने मोटरसाइकलको रुपमा लिइन्छ । सिग्नल्स एडिसन डेजर्ट स्यान्ड र मार्स ग्रे कलरमा उपलब्ध रहेको छ ।

मोटरसाइकलमा ३५० सीसी क्षमताको नयाँ एयर आयल कुल्ड इन्जिन जडान गरिएको छ । उक्त इन्जिनको अधिकतम पावर २०.४८ पिएस छ भने टर्क २७ एनएम जेनेरेट गर्दछ । बाइकमा ५ स्पिड गियरबक्स जडान गरिको छ । सो नयाँ मोटरसाइकललाई ११३ किलोमिटर प्रतिघण्टको उच्च गतिमा हाँक्न सकिन्छ भने माइलेज ३५ किलोमिटर दाबी गरिएको छ ।

नयाँ एर्गोनोमिक्स, ग्रिप्स, रोटरी स्विच, इन्फो स्विच र ओभल मास्टर सिलिन्डर लगायतका विभिन्न फिचर यसमा उपलब्ध छन् । त्यसैगरी नयाँ पाइलट लाइटहरु भएको हेडलाइट र नयाँ डिजाइनको टेललाइट तथा एकीकृत रिफ्लेक्टर लगायत फिचर समेत यसमा पाउन सकिन्छ ।

बाइकको अगाडि ट्विन्स पिस्टन फ्लोटिङ क्यालिपर सहितको ३०० एमएम र पछाडि सिंगल पिस्टन फ्लोटिङ क्यालिपर सहितको १५३ एमएमको डिस्क ब्रेक जडान गरिएको छ । जसका कारण अझ बढी आत्मविश्वासपूर्ण ब्रेकिङ अनुभव लिन सकिन्छ ।