यो हो आश्चर्यचकित पार्ने विश्वको सबैभन्दा तीव्र गतिको इलेक्ट्रिक कार

क्रोएसियामा बनेको रिमाक नेभेरा इलेक्ट्रिक कारले सबैभन्दा तीव्र गतिको इलेक्ट्रिक कारको उपाधि जितेको छ ।

रिमाकले जर्मनीको परीक्षण ट्रयाकमा सो इलेक्ट्रिक कारको स्पिड परीक्षण गरिएको थियो, जसले आश्चर्यजनक रुपमा ४१२ किमी प्रतिघण्टा स्पिडको आंकडा हासिल गरेको थियो ।

सो इलेक्ट्रिक कारले १.९५ सेकेन्डमा ० देखि १०० किमी÷घन्टाको गति लिन सक्छ र यसले ० देखि १६० किमी प्रतिघन्टाको स्प्डि लिन ४.३ सेकेन्ड मात्र लाग्छ । रिमाक नेभेरामा ४ शक्तिशाली इलेक्ट्रिक मोटर जडान गरिएको छ, जसले १९१४ बीएचपीको पावर दिन्छ । तर, बिक्रीको लागि भने यसको टप स्पिड ३५२ किमी प्रतिघन्टामा सीमित गरिएको छ ।

विश्वमा अन्य टप स्पिड कारमा कोइनसेग अजेरा आरएस पनि एक हो । जसको उच्च गति ४४७.१८ किमी प्रतिघन्टा रेकर्ड गरिएको थियो । त्यस्तै बुगाटी चिरोन सुपर स्पोर्ट ३०० प्लसको टप स्पिड ४९०.८४ किमी प्रतिघन्टा रेकर्ड गरिएको थियो ।

सन् २०२० मा एसएससी तुताराको अधिकतम स्पिड ५०८.७३ किमी प्रतिघन्टाको स्पिड रेकर्ड गरिएको थियो । तर यसलाई सार्वजनिक प्रयोगको लागि डिजाइन नगरिएको हुनाले यसलाई तीव्र गतिको कारको दर्जा दिइएको छैन ।