ईभी र हाइब्रिड कारको बिक्रीमा उच्च बृद्धि, सेप्टेम्वरमा मात्रै ३० प्रतिशतले बढ्यो

विश्व बजारमा ईभी र हाईब्रिड कारको बिक्रीमा उच्च बृद्धि देखिएको छ । एक रिपोर्टका अनुसार, सेप्टेम्बर २०२४ मा प्योर इलेक्ट्रिक र प्लग–इन हाइब्रिड गाडीहरूको विश्वव्यापी बिक्री ३०.५ प्रतिशतले बृद्धि भएको हो ।

प्रतिवेदनका अनुसार युरोपेली देशहरुमा न्यू इनर्जी भेइकलको बिक्रीले पुन गति लिँदा चीनले अगस्ट २०२४ मा आफ्नो रेकर्ड संख्याहरू पार गर्न सफल भएको छ । आफ्ना ईभीमा यूरोपले ४५ प्रतिशत कर बृद्धि गर्दा समेत चीनले बिक्री बढाउन जोड दिइरहेको छ ।

रो मोशनद्वारा जारी गरिएको तथ्याङ्कले सेप्टेम्बर २०२४ मा विश्वव्यापी रूपमा ईभी र हाइब्रिड कारको बिक्री १.६९ मिलियन यूनिट पुगेको देखाएको छ । चीनमा गत महिना १.१२ मिलियन कार बिक्री हुँदा ४७.९ प्रतिशत बृद्धि भएको उक्त तथ्यांकमा उल्लेख गरिएको छ ।

युरोपमा इटाली, जर्मनी र डेनमार्कमा उल्लेखनीय बृद्धि हुँदा बेलायतमा ईभीको बिक्री २४ प्रतिशतले बिक्री भएको उल्लेख छ । त्यस्तै अमेरिका र क्यानडाले पनि गत महिना ईभीको बिक्रीमा ४.३ प्रतिशत बृद्धि हाँसिल गरेका छन् ।