नर्वे : प्रत्येक १० नयाँ कारमा ९ युनिट ईभी बिक्री

सन् २०२४ मा नर्वेमा बिक्री भएका प्रत्येक १० नयाँ कारमध्ये ९ वटा ईभी रहेको त्यहाँ प्रकाशित एक रिपोर्टमा उल्लेख गरिएको छ । यस वर्ष सडकमा ईभी मात्र थप्ने नर्बेको लक्ष्य छ ।

नर्वेमा २०२४ मा नयाँ कार बिक्रीको ८८.९ प्रतिशत हिस्सा ईभीले लिएको र यो अघिल्लो वर्षको तुलनमा ७ प्रतिशतले बढि हो । रिपोर्टमा टेस्ला, फक्सवागन र टोयोटा सबैभन्दा बढी बिक्रि हुने ब्रान्डहरू रहेको उल्लेख छ । चिनियाँ ईभीले नयाँ कार बिक्रीको १० प्रतिशत हिस्सा ओगटेको छ ।

नर्बे ईभी अपनाउने देशहरुको सुचीमा शिर्ष स्थानमा छ । ५०.४ प्रतिशतसहित डेनमार्क दोस्रो, ३४.४ प्रतिशतसहित स्विडेन तेस्रो, ३३.२ प्रतिशतसहित नेदरल्यान्डस चौथो र पाँचौ स्थनमा रहन सफल फनल्याण्डको ईभी ग्राहण दर २८.८ प्रतिशत छ । युरोपियन युनियनको औसत ईभी ग्रहण दर १३.४ प्रतिशत रहँदा अमेरिकाको ८.९ प्रतिशतमात्रै छ ।

रिपोर्टका अनुसार नर्वेले पेट्रोल र डिजेल कारहरूमा उच्च कर लगाएर उच्च ईभी अपनाउने दर हासिल गरेको हो । देशले विद्युतीय सवारीलाई थप आकर्षक बनाउन आयात र मूल्य अभिवृद्धि करबमा समेत छुट दिएको छ ।