युरोपेली ब्रान्ड स्कोडाले मनायो युरोपेली शैलीमा क्रिसमस

काठमाडौं – नेपाली बजारमा युरोपेली राष्ट्र चेक रिपब्लिकमा उत्पादित स्कोडा ब्रान्डको सवारी साधन बिक्री–वितरण गरिरहेको एमएडब्लु इन्टरप्राइजेजले युरोपेली शैलीमा क्रिसमस पर्व मनाएको छ ।

डिसेम्बर २५ अर्थात गत शनिबार मनाइएको क्रिसमस पर्वको अवसरमा स्कोडाका विभिन्न स्थानमा रहेका सोरुमलाई क्रिसमसको झल्को दिने गरी सजाइएको थियो । युरोपेली राष्ट्रहरुमा उत्साहपूर्वक क्रिसमस मनाइने भएकाले नेपालका सोरुमलाई समेत सोही अनुसार सजाइएको कम्पनीको भनाइ छ ।

सोरुममा सान्ता क्लजसहित अन्य विभिन्न आकर्षक सजावट गरिएको छ । यसबाट युरोपियन एसयूभीको अनुभव गर्न पाइने बताइएको छ ।

त्यसैगरी स्कोडा शान्ताद्वार कोशेली फाउन्डेसन नेपालमा रहेका बालबालिकाहरुलाई विभिन्न प्रकारको क्रिसमस गिफ्ट प्रदान गरिएको थियो । यसका साथै सोरुममा टेस्ट ड्राइभ गर्न आउने ग्राहकलाई समेत क्रिसमस गिफ्ट प्रदान गरिएको छ ।

नेपालमा स्कोडाका र्यापिड, सुपर्व, कारोक, कोडियाक र कुशाक आदि गाडीहरु बिक्री–वितरण भइरहेका छन् । पछिल्लो समयमा नेपाल भित्रिएको स्कोडा कुशाकले बजारमा प्रतिस्पर्धात्मक रुपमा धेरैको ध्यान तानेको छ ।