इकोविट विद्युतीय स्कुटर खरिदमा माछापुछ्रे बैंक मार्फत कर्जा सुविधा

काठमाडौँ । इकोविट ब्राण्डका विद्युतीय स्कुटर र माछापुछ्रे बैंक लिमिटेडबिच सम्झौता भएको छ । सम्झौता अनुसार इकोविट ब्राण्डका विद्युतीय स्कुटर खरिद गर्दा माछापुछ्रे बैंक लिमिटेड द्वारा क्रेडिट कार्ड मार्फत कर्जा सुविधा उपलब्ध हुने भएको छ ।

सो सम्झौतामा माछापुछ्रे बैंकको केन्द्रिय कार्यालयमा बैंकका डिजिटल बैंकिङ्गका डेपुटी चीफ उज्ज्वल पाण्डे र इकोविट नेपालका प्रबन्ध निर्देशक हारुन खानका बीच सम्झौता पत्रमा हस्ताक्षर गरेका हुन् ।

कर्जा सुविधा अनुसार इकोविट ब्राण्डका विद्युतीय स्कुटर खरिद गर्दा ग्राहकले आफ्नो आम्दानी खुल्ने कागजात उपलब्ध गराएको बढीमा ५ दिनभित्रमा स्कुटर लैजान पाउने कम्पनीले जनाएको छ ।

कम्पनीका अनुसार कर्जा सुविधा अनुसार ६ महिना देखि १८ महिनासम्मको सुविधा उपलब्ध गराइनेछ । जस अन्तर्गत ग्राहकले सो वापत व्याज तिर्नु पर्दैन । शुन्य प्रतिशतको व्याजदरमा उक्त कर्जा उपलब्ध गराइनेछ ।