२०७८ जेठ ४ मंगलबार,

काठमाडौंमा सुन्दर यातायातका विद्युतीय ट्याक्सी गुड्ने

काठमाडौं – तिहार पश्चात उपयुक्त वातावरण भएमा सुन्दर यातायातका विद्युतीय ट्याक्सी काठमाडौंका सडकमा गुड्ने भएका छन् ।

काठमाडौंमा विद्युतीय बसमार्फत सेवा प्रदान गरिरहेको सुन्दर यातायातले छिट्टै नै विद्युतीय ट्याक्सी समेत सञ्चालनमा ल्याउने योजना बनाएको हो । उपयुक्त परिस्थिति भएमा र सरकारी स्वीकृति प्राप्त भएमा जति सक्यो छिटो ट्याक्सीमार्फत काठमाडौंमा सेवा प्रदान गर्ने आफूहरुको योजना भएको सुन्दर यातायात प्रालिका अध्यक्ष भेषवहादुर थापाले बताए ।

उनका अनुसार ४२ किलोवाट आवर क्षमताको ब्याट्री प्याक सहितका यी ट्याक्सीलाई सिंगल चार्जमा २ सय किलोमिटर सम्म चलाउन सकिने छ । सो ट्याक्सीमा ५ जना बस्न मिल्छ ।

सुन्दर यातायातले दसैं, तिहार र छठ पर्वको शुभकामना सन्देशमा समेत ट्याक्सी सहितको तस्बिर प्रकाशन गरेको छ ।

हाल काठमाडौंका सडकमा सुजुकी अल्टो ८००, हुन्डाई इओन, टाटा ई–जेटा आदि ट्याक्सीका रुपमा प्रयोग भइरहेका छन् । पछिल्लो समयमा ट्याक्सीको मापदण्ड परिवर्तन गरी अझै सुविधायुक्त बनाउने सरकारले तयारी समेत गरेको छ ।

इलेक्ट्रिक ट्याक्सीको वारेमा भने सरकारले कुनै निश्चित मापदण्ड नबनाएका कारण यसको स्वीकृतिमा पनि ढिलाई हुन सक्ने व्यवसायीहरुको अनुमान छ ।

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...