ट्र्याकमा अफरोड क्षमता प्रमाणित गर्दै जेसिक्स इन्डिभिजुअल ह्विल ड्राइभ सम्पन्न

ओमोडा एन्ड जेइको कम्पनी लिमिटेडको लागि नेपालको आधिकारिक वितरक एसपिजि अटोमोबाइल्स प्रालिले गोकर्ण फरेस्ट रिसोर्टस्थित अफ-रोड ट्र्याकमा ‘जेइको जे-सिक्स इन्डिभिजुअल-ह्विल-ड्राइभ टेस्ट ड्राइभ - एक्स्पेरियन्स द थ्रिल अफ एडभेन्चर’ सफलतापूर्वक सम्पन्न गरेको छ ।

शनिबार आयोजित उत्साहजनक टेस्ट ड्राइभ च्यालेन्जमा नेपालको पहिलो इलेक्ट्रिक अफ-रोड एसयुभी जेइको जे-सिक्स इन्डिभिजुअल-ह्विल-ड्राइभको उच्चस्तरको क्षमता तथा शक्ति प्रदर्शन गरिएको छ । यसबाट इलेक्ट्रिक गाडीले पनि जस्तोसुकै अप्ठ्यारो भूभागहरू सजिलै पार गर्न सक्छ भन्ने कुरा प्रमाणित भएको छ ।

गोकर्णमा सम्पन्न कार्यक्रममा अफरोड पारखी तथा ड्राइभरहरूको उत्साहजनक सहभागिता रहेको कम्पनीले जनाएको छ । सो कार्यक्रममा विशेष रूपमा तयार गरिएको अफ-रोड ट्र्याक मुख्य आकर्षण रह्यो । ट्र्याकलाई साँच्चिकै अफरोड यात्रामा जस्तै चुनौतीपूर्ण बनाउन विभिन्न अवरोधहरू, उकालो, ओरालो, हिलो, रकि एक्सपेरियन्स आदि समेटिएको थियो । यही ट्र्याकमा जे-सिक्स इन्डिभुजुअल-ह्विल-ड्राइभले आफ्नो शक्तिशाली पर्फर्मेन्स तथा क्षमता प्रमाणित गरेको हो ।

विशेषगरी जेइको जे-सिक्समा रूची राख्ने ग्राहकहरू केन्द्रित सो कार्यक्रममा जेइको जे-सिक्स इन्डिभिजुअल-ह्विल-ड्राइभले डर्ट-ट्र्याकका सम्पूर्ण अवरोधहरूलाई सजिलै पार गर्दै विद्युतीय सवारी प्रविधिले मारेको फड्कोलाई सही सावित गरेको छ ।

कार्यक्रममा डर्ट-ट्र्याक च्यालेन्जका अलावा सहभागीहरूले नि:शुल्क ‘ड्राइभिङ रेन्ज गल्फ सट’ जस्ता क्रियाकलापमार्फत उत्साहजनक माहौल कायम राखे । एसपिजि अटोमोबाइल्स नेपालमा नवीन र दिगो मोबिलिटि (गतिशीलता)का आविष्कार तथा उत्पादनहरू प्रवर्द्धन गर्न समर्पित रहेको छ ।

अल-ह्विल-ड्राइभ पावरट्रेनसहितको नयाँ जेइको जे-सिक्स इन्डिभिजुअल-ह्विल-ड्राइभ, प्रभावशाली पर्फमेन्स, अद्भुत पावर र उच्च ग्राउन्ड क्लियरेन्ससहित अफ-रोड ड्राइभिङको लागि उत्कृष्ट इलेक्ट्रिक एसयुभीको रूपमा स्थापित भएको छ ।

नयाँ जेइको जे-सिक्स इन्डिभिजुअल-ह्विल-ड्राइभ मसाज सिट, सबै प्यासेन्जरका लागि हिटेड एन्ड भेन्टिलेटेड सिट, हाइअर रिम सहितको टायर साइज, बुम बक्स बेस स्पिकर्स जस्ता विभिन्न सुविधाहरूले सुसज्जित रहेको छ । साथै नौ वटा ड्राइभिङ मोडसहित शक्तिशाली ड्युअल मोटर, ६९.६६ किलोवाटआवरको ब्याट्री र ४०० किलोमिटरको डब्लुएलटिपि रेन्ज यसको प्रमुख आकर्षणको पक्ष रहेको छ ।

एसपिजि अटोमोबाइल्सले साहसिक यात्रा गर्न खोज्ने अफ-रोड पारखीहरूलाई नजिकैको ओमोडा तथा जेइको सोरुममा गई नेपालकै पहिलो अत्याधुनिक इलेक्ट्रिक एसयुभीको प्रत्यक्ष अनुभव गर्न सकिने कम्पनीले जनाएको छ ।