यी हुन् नेपाली बजारमा उपलब्ध धेरै रेन्ज दिने इलेक्ट्रिक स्कुटर

नेपाली बजारमा धेरै ब्रान्डका इलेक्ट्रिक स्कुटर उपलब्ध छन् । सरकारले हालै पेट्रोलियम पदार्थको मूल्यमा भारी वृद्धि गरिएसँगै धेरैको मनमा यस्ता इलेक्ट्रिक स्कुटरप्रति आकर्षण बढ्ने अनुमान गरिएको छ ।

यस्ता स्कुटरमा प्योर ईभी, नियू, याडिया, ओकिनावा, सुपरसोको, टेलजी र लेभ्निङ लगायत ब्रान्ड बढी चर्चित मानिन्छन् । यी स्कुटर गुणस्तर, माइलेज र फिचर्सका कारण चर्चित बनेका हुन् ।

इलेक्ट्रिक स्कुटरको कुरा गर्दा यस्ता स्कुटरको मूल्य र माइलेज बढी प्राथमिकतामा पर्ने गरेका छन् । यसमा पनि माइलेज सर्बाधिक चासोको बिषय बन्ने गरेको छ । यसै सन्दर्भमा हामीले माथि उल्लेख गरिएका ब्रान्डको स्कुटरलाई एकपटक फुल चार्ज गर्दा प्राप्त हुने माइलेज अर्थात रेन्जका विषयमा जानकारी दिने प्रयास गरेका छौ ।

नेपाली बजारमा सर्बाधिक लोकप्रिय मानिएको इलेक्ट्रिक स्कुटर नियूको ४ वटा मोडल उपलब्ध रहँदै आएको छ । जसमध्ये एनक्युआई मोडलले ५० देखि ८० किलोमिटर रेन्ज दिने दाबी गरिएको छ । यसकै अर्को मोडल एनक्युआई जीटीले ९० देखि ११०, एमक्युआई प्लसले ५५ देखि ८५ र गोभाले ६४ देखि ७४ किलोमिटर रेन्ज प्रदान गर्ने दाबी गरिएको छ । यी स्कुटरको मूल्य २ लाख ५५ हजारदेखि ४ लाख ४५ हजार रुपैयाँसम्म पर्छ ।

नियूपछिको अर्को लोकप्रिय ब्रान्ड प्योरी ईभीको २ वटा मोडल उपलब्ध छ । जसमध्ये इप्लुटो ७जीले ११६ र इन्ट्रान्स निओले ९० देखि १२० किलोमिटर रेन्ज प्रदान गर्ने दाबी गरिएको छ । यी स्कुटरको मूल्य २ लाख ४९ हजार र २ लाख २९ हजार रुपैयाँ पर्छ ।

अर्को प्रिमियम ब्रान्ड याडियाको ३ वटा मोडल उपलब्ध रहँदै आएको छ । जसमध्ये सि१एस र जी५ ले ८० किलोमिटर र एस–लाइकले ६० किलोमिटर रेन्ज प्रदान गर्ने दाबी गरिएको छ । यी स्कुटरको मूल्य २ लाख ४५ हजारदेखि ३ लाख ६५ हजार रुपैयाँसम्म पर्छ ।

भारतीय ब्रान्ड ओकिनावाले ५ वटा मोडलका यस्ता स्कुटर कारोबार गर्दै आइरहेको छ । जसमध्ये आई–प्रेज प्लसले १३९, प्रेज प्रोले ८८, रिज प्ल्सले ८४, आर३० र लाइटले ६० किलोमिटर रेन्ज दिने दाबी गरिएको छ । यी स्कुटरको मूल्य १ लाख ७० हजारदेखि ३ लाख ४० हजार रुपैयाँसम्म पर्छ ।

सबैभन्दा बढी रेन्ज भित्र्यएको टेलजीसँग अहिले ७ वटा मोडलका यस्ता स्कुटर उपलब्ध रहँदै आएको छ । जसमध्ये एलएस०१ ले ६० देखि ८०, एलएक्स०१, एलएक्स०२, एलएक्स०३, एलएक्स०४, एलएक्स०५ र एलएक्स०६ ले ७५ देखि १५० किलोमिटरसम्म र अर्को मोडल एलएक्स०८ ले ८० देखि १२० किलोमिटर रेन्ज प्रदान गर्ने दाबी गरिएको छ । यी स्कुटरको मूल्य २ लाख ९ हजारदेखि ४ लाख २९ हजार रुपैयाँसम्म पर्छ ।

त्यसैगरी टेलीजीका दुई स्कुटर लायन र टाइगरले क्रमश ९० र ९५ किलोमिटर रेन्ज दिन्छ भने अर्को प्रिमियम ब्रान्ड सुपरसोकोका सिपिएक्स र सियूएक्सले क्रमशः १ सय र ८५ किलोमिटर रेन्ज प्रदान गर्ने दाबी गरिएको छ । यी दुई ब्रान्डमध्ये टेलजीको मूल्य १ लाख ८५ हजार र १ लाख ९५ हजार पर्छ भने अर्को सुपरसोकोको २ लाख ३९ हजार देखि ५ लाख ८९ हजार रुपैयाँसम्म पर्छ ।

नेपाली बजारमा एलएक्स०१, एलएक्स०२, एलएक्स०४, एलएक्स०५, एलएक्स०५–डी, एलएक्स०६, एलएक्स०६ म्याक्स, एलएक्स०८, एलएस०१ र एम०४ मोडलका स्कुटर उपलब्ध छन् । यी स्कुटरको मूल्य १ लाख १० हजार देखि ५ लाख ५९ हजार रुपैयाँ सम्म छ ।