इलेक्ट्रिक स्कुटरको समेत बढ्न थाल्यो मूल्य, एनआईयूले एउटै स्कुटरमा बढायो १६ हजार रुपैयाँ

इलेक्ट्रिक स्कुटर एनआईयूले एउटै मोडलमा १६ हजार रुपैयाँले मूल्य वृद्धि गरेको छ । कम्पनीले एमक्यूआई प्लस मोडलको स्कुटरमा यति ठूलो रकम वृद्धि गरेको हो ।

यो स्कुटरको यसअघिको मूल्य २ लाख ३९ हजार कायम गरिएकोमा नयाँ मूल्य २ लाख ५५ हजार तोकिएको छ । अन्तर्राष्ट्रिय बजारमा डलर महंगो भएका कारण स्कुटरको मूल्य बढाउनु परेको कम्पनी स्रोतले बताएको छ ।

प्रिमियम स्कुटरको पहिचान बनाएको एनआईयूका नेपाली बजारमा ४ भिन्न मोडल उपलब्ध भएपनि हाल स्टकमा भने एमक्यूआई प्लस मात्र उपलब्ध रहेको र सोही स्कुटरको मूल्य बढाइएको हो । स्रोतका अनुसार अन्य मोडल भित्रिएपछि त्यसको पनि मूल्य बढ्नेछ । यसको सबैभन्दा प्रिमियम र महंगो मोडलको मूल्य ४ लाख ४५ हजार तोकिएको छ ।

यस्तो छ एमक्यूआई प्लस

एनआईयूको यो स्कुटरमा १२ सय वाटको मोटर र ४८ भोल्टको लिथियम आयोन ब्याट्री छ । ७ घण्टामा फुल चार्ज गर्न सकिने स्कुटरले ६० देखि ७५ किलोमिटर रेन्ज दिने बताइएको छ । यसको टप स्पिड ४५ किलोमिटर प्रतिघण्टा छ ।  सो स्कुटरले सिंगल चार्जमा ८० देखि १०० किमी सम्मको रेन्ज दिने कम्पनीले बताएको छ ।

रोबस्ट फ्रेमका कारण यो स्कुटरमा सवार हुने ब्यक्तिले आफूलाई कन्फिडेन्ट महसुस गर्न सक्छन् । लिथियम आयोन ब्याट्री र बोस मोटरको कम्बिनेसनले स्कुटरलाई थप सशक्त बनाएको छ । 

स्कुटरमा गरिएको नयाँ अपग्रेडले यसलाई थप ग्राहकमैत्री बनाएको छ । सबै स्कुटरमा प्रिपेड सिमकार्ड स्लट उपलब्ध छ, जसलाई एनआईयू एपको माध्यमले सातै दिन र चौबिसै घण्टा कनेक्ट गर्न सकिन्छ । यसको सहयोगले जीपीएस, एन्टी–थेफ्ट ट्रयाकिङ, रिमोट ट्रयाकिङ, स्कुटर डायग्नोस्टिक र हेल्प सेन्टर जस्ता रियल टाइम इन्टेलिजेन्स स्कुटर धनीलाई उपलब्ध हुन्छ ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...