अब अशक्त व्यक्तिहरुलाई पनि १० हजारमै इलेक्ट्रिक स्कुटर

काठमाडौं – बज्र ग्रुप अन्तर्गतको कम्पनी ईभी नेपाल मोटर्स प्रालिले लेभ्निङ ब्रान्डको इलेक्ट्रिक स्कुटर कुनै पनि नेपाल भरिका अशक्त व्यक्तिहरुका लागि १० हजार रुपैयाँमै उपलब्ध गराउने भएको छ ।

तपाईको गोजीमा कति छ ? भन्ने स्किम अन्तर्गत १० हजार रुपैयाँमा लेभ्निङ ब्रान्डको स्कुटर नेपाल भरिको अशक्त व्यक्तिले पाउने छन् । अशक्त ब्यक्तिको लागि बनाइएको ३ पांग्रे स्कुटर को नाम एलएक्स ०१ मोडेल हो। यो स्कुटर जर्मन कम्पनी बोसको मोटर्स प्रयोग गरिएको स्कुटर हो । फुल चार्जमा राम्रो माइलेज दिने हुनाले कुनै पनि अशक्त व्यक्तिले कम्पनीको शोरुम मा गएर १० हजार भुक्तानी गरि फाइनान्स मार्फत सजिलै संग खरिद गर्न पाउनेछन ।

यसका साथै नविल बैंकको शून्य प्रतिशत ब्याजदरमा सो स्कुटर किन्न सकिने छ । त्यसैगरी नगदमा किन्नेका लागि भने १० हजार छुट गरिएको कम्पनीले बताएको छ ।

अशक्त व्यक्तिको खर्च वचत हुने, पेट्रोल हाल्न नपर्ने, सर्भिस र पार्ट्समा खर्च नहुने, वातावरण स्वस्छ हुने हुनाले कम्पनीले यो सहुलियत दरमा र असक्त व्यक्तिको लागि १० हजार वा शून्य प्रतिशत स्किममा लेभ्निङ ब्रान्डको इलेक्ट्रिक स्कुटर सीमित अवधिको लागि प्रदान गर्ने योजना लागू गरेको बताएको छ ।

कम्पनीको कर्पोरेट समाज प्रतिको उतरदायित्व अन्तर्गत यो स्किम अशक्त व्यक्तिहरुको लागि लागु गरिएको छ।
यो योजना प्रारम्भ भइसकेको र नजिकको लेभ्निङ इलेक्ट्रिक स्कुटरको शोरुममा सम्पर्क गर्न सकिने बताइएको छ ।

नेपाली बजारमा एलएक्स०१, एलएक्स०२, एलएक्स०४, एलएक्स०५, एलएक्स०५–डी, एलएक्स०६, एलएक्स०६ म्याक्स, एलएक्स०८, एलएस०१ र एम०४ मोडलका स्कुटर उपलब्ध छन् । यी स्कुटरको मूल्य १ लाख १० हजार देखि ५ लाख ५९ हजार रुपैयाँ सम्म छ ।

काठमाडौंको नक्साल, टेकु र भैसेपाटी शोरुममा सम्पर्क गर्न सकिने वा सम्पर्क नम्बर ९८०१०२९४७४ र ९८०२३०८५१२ मा समेत सम्पर्क गरेर विभिन्न जानकारी लिन सकिने बताइएको छ ।

नेपाली कर्पोरेट हाउसको इतिहासमा ३० वर्ष पुरानो र नेपाल भरिको सबै ग्राहकको बवश्वास जित्न सफल ग्रुपको रुपमा परिचित बज्र ग्रुप अन्तर्गतको कम्पनीले यी स्कुटर उपलब्ध गराइरहेको छ । नेपालमा ३० वर्ष देखि विभिन्न ब्रान्डको व्यवसाय गरिरहेको बज्र ग्रुप विश्वसनियताका लागि लोकप्रिय मानिने बताइएको छ ।