बीवाईडीले बालबालिकाको लागि ल्यायो इलेक्ट्रिक स्कुल बस, २२५ किमीसम्मको रेन्ज दिने

चिनियाँ इलेक्ट्रिक सवारी साधन निर्माता कम्पनी बीवाईडीले अमेरिकाका लागि नयाँ ‘टाइप ए’ इलेक्ट्रिक स्कुल बस सार्वजनिक गरेको छ, जसमा ३० जनाको सिट रहेको छ । सो बस ८० पाउण्डसम्म भार बोक्न सक्षम छ ।

सो इलेक्ट्रिक बस एकपटकको फुल चार्जमा १४० माइल वा २२५ किलोमिटरसम्मको दुरी तय गर्ने क्षमता रहेको छ । बसको एउटा विशेषता भनेको यो भेइकल–टु–ग्रिड (भी२जी) क्षमताले सुसज्जित छ । बसमा अपाङ्गता भएका विद्यार्थीलाई पनि विशेष सुविधा दिइएको छ । बसको लम्बाई २६.७ फिट, २४.५ फिट र २२.९ फिटमा उपलब्ध छ ।

सो इलेक्ट्रिक बसमा लिथियम आयरन फस्फेट ब्याट्री जडान गरिएको छ । यसलाई दुई फरक–फरक तरिकाबाट चार्ज गर्न सकिन्छ । यसमा १५० केडब्ल्यु डीसी फास्ट चार्जिङको साथै १९.२ केडब्ल्यु सिंगल–फेज एसी चार्जिङ समावेश छन् ।

बसमा स्ट्यान्डर्ड सुरक्षा सुविधाहरूमा उच्च शक्तिको स्टिल निर्माण बडी, ह्यान्डलिङमा सहायताको लागि इलेक्ट्रोनिक स्टेबिलिटी कन्ट्रोल र ब्रेकको लागि इलेक्ट्रोनिक ब्रेकिङ सिस्टम समावेश गरिएको छ । यसको साथै बसमा एचएसएम ३–पोइन्ट ल्याप–शोल्डर बेल्ट, इन्टिग्रेटेड चाइल्ड सिट र पोर्टेबल रेस्ट्रेन्ट पनि समावेश छन् ।

बीवाईडीले नेपाली बजारमा पनि ई६ का साथै अन्य विभिन्न मोडलका कार बिक्री गरिरहेको छ ।