भूकम्प प्रभावितका लागि बीवाईडीको सहायता कोष, डल्फिन र एट्टो–३ वुक गर्दा रकम जम्मा हुने

काठमाडौं– बीवाईडी गाडीको नेपालका लागि आधिकारिक वितरक साइमेक्स इंक प्रालिले जाजरकोट र रुकुम पुर्वका भूकम्प प्रभावित समुदायहरूका लागि सहायता स्वरूप ग्राहकसँगको सहकार्यमा भूकम्प सहायता कोष सुरु गरेको छ ।

जसअन्तर्गत हरेक बीवाईडी डल्फिन बुक गर्दा १० हजार र एट्टो–३ मा २० हजार रुपैयाँ सो कोषमा जम्मा हुने कम्पनीले जनाएको छ । योजना मङ्सिर २३ गते सम्म लागु हुनेछ । गाडी बुकिङबाट जम्मा भएको रकमले भुकम्प पिडितहरुलाई सहयोग गर्ने लक्ष्य कम्पनीले लिएको हो ।

साइमेक्स इंकका प्रमुख कार्यकारी अधिकृत साहिल श्रेष्ठका अनुसार अग्रिम बुकिङ गरि भूकम्प सहायता कोषमा योगदान गरेका ग्राहकहरुको नाम कम्पनीको सोशल मिडिया प्लेटफर्म र दैनिक पत्रिकामा प्रकाशित गरिनेछ ।

कम्पनीले यसअघि सानी भेरी गाउँपालिकाका प्रभावितलाई सहयोग स्वरुप ११ लाख रुपैयाँ प्रदान गरेको थियो । सो रकम कम्पनीका अध्यक्ष अनिल श्रेष्ठले हस्तान्तरण गरेका हुन् ।