१ लाख ४२ हजार डाउनपमेन्टमा बजाज डोमिनार २५० विएस६, यस्तो छ मासिक किस्ता

बजाज मोटरसाइकलको नेपालका लागि आधिकारिक वितरक हंसराज हुलासचन्च एण्ड कम्पनी प्रालिले डोमिनार २५० विएस६ को विक्री हालसलै शुरु गरेको छ । ५ लाख ६८ हजार रुपैयाँ मूल्य निर्धारण गरेर विक्री शुरु भएको यो मोटरसाइकललाई कम्पनीले २५ प्रतिशत डाउनपमेन्टमा फाइनान्स सुविधा दिएको छ ।

यो मोटरसाइकल खरिद गर्न ग्राहकले शुरुमा १ लाख ४२ हजार रुपैयाँ भुक्तानी गर्नुपर्ने छ । वाँकी हुन आउने ७५ प्रतिशत रकम अर्थात ४ लाख २६ हजारमा व्याज जोडेर आउने कुल रकमलाई ग्राहकले २ वर्षसम्मको सरल किस्तावन्दिमा भुक्तानी गर्न पाउनेछन् । यसरी भुक्तानी गर्दा व्याजदर १५ प्रतिशत लाग्ने वताइएको छ ।

यो मोटरसाइकल खरिद गर्दा ग्राहकले २ वर्षसम्म मासिक २० हजार ४ सय रुपैयाँका दरले किस्ता तिर्नुपर्ने हुन्छ । २४८.८ सीसी क्षमताको सिंगल सिलिण्डर, लिक्वीड कुल्ड, एफआई इन्जिन जडान भएको यो मोटरसाइकलको अधिकतम पावर २७ पीएस पावर टर्क २३.५ एनएम रहेको छ । यसमा ६ स्पीड म्यानुयल गियरबक्स रहेको छ ।

यो मोटरसाइकलमा सवै लाइट एलइडी, पूर्णत डिजिटल इन्स्ट्रयुमेन्ट क्लस्टर, सिग्नेचर एलइडी हेडल्याम्प, ट्विन व्यारेल एक्जस्ट, ओलय ह्विल, स्प्लिट सिट, स्पिलपर क्लच लगायत फिचर्स उपलब्ध गराइएको छ ।