यातायात व्यवस्था विभागको महानिर्देशकमा घिमिरे, हमाल सूचना विभागमा

काठमाडौं – यातायात व्यवस्था विभागको महानिर्देशकमा सहसचिव नमराज घिमिरे नियुक्त भएका छन् । भौतिक पूर्वाधार तथा यातायात मन्त्रालयले उनलाई सो जिम्मेवारी दिएको हो । घिमिरे यसअघि हेटौंडा उपमहानगरपालिकाको प्रमुख प्रशासकीय अधिकृत थिए । घिमिरे १० महिनाअघि मात्र सहसचिवमा बढुवा भएका थिए । यस्तै यो भन्दा पहिले यातायात व्यवस्था विभागको महानिर्देशकमा कार्यरत गोगन बहादुर हमाल सूचना विभागको महानिर्देशक बनेका छन् । केही अघि सहसचिवहरुको सरुवा हुँदा उनको सरुवा विभागबाट सञ्चार मन्त्रालयमा भएको थियो ।