के फरक छ फुल साइज एसयूभी र कम्प्याक्ट एसयूभीमा

केही वर्ष पहिले बजारमा फुल साइज एसयूभी मात्र उपलब्ध थियो । हाल बजारमा फुल साइज एसयूभी र कम्प्याक्ट एसयूभी उपलब्ध छन् । यी दुई एसयूभी निकै भिन्नता रहेको हुन्छ साथै यसको मूल्यमा पनि केही फरक रहेको हुन्छ । कार खरिद गर्नु भन्दा पहिले फुल साइज एसयूभी र कम्प्याक्ट एसयूभीको बारेमा केही जानकारी हुनु अति आवश्यक छ ।

साइज
फुल साइज एसयूभी कम्प्याक्ट एसयूभी भन्दा अलि ठूलो हुन्छ । फुल साइज एसयूभीको सिटिङ क्षमता ७ सिटरको हुन्छ भने कम्प्याक्ट एसयूभी ५ सिटरको हुन्छ ।

इन्जिन
बढी स्पेस र ठूलो आकारको भएको कारणले गर्दा फुल साइज एसयूभीमा दमदार इन्जिन समावेश गरिएको हुन्छ । कम्प्याक्ट एसयूभीमा कम पावरफुल इन्जिन समावेश गरेको हुन्छ ।

बुट स्पेस
फुल साइज एसयूभीमा ७०० देखि ९०० लिटरको बुट स्पेस हुन्छ । कम्प्याक्ट एसयूभीमा ३०० देखि ५०० लिटरको बुट स्पेस हुन्छ ।

ग्राउन्ड क्लियरेन्स
फुल साइज एसयूभी हरेक प्रकारको बाटो, पहाडी इलाका, हिलो बाटो र उबड खाबड बाटोको लागि तयार पारिएको हुनछ । कम्प्याक्ट एसयूभीको ग्राउन्ड क्लियरेन्स लगभग ह्याचब्याक र सेडान कार जति नै हुन्छ । जसको कारणले गर्दा सो कार सिटी इलाकामा मात्र ड्राइभ गर्न सकिन्छ ।