नयाँ लुक र उन्नत सुविधासहित तेस्रो पुस्ताको होन्डा अमेजको डिजाइन स्केच सार्वजनिक

होन्डाले आफ्नो सबैभन्दा लोकप्रिय सेडान कार अमेजको तेस्रो पुस्ताको मोडलको डिजाइन स्केच सार्वजनिक गरेको छ । कम्पनीले उक्त सब कम्प्याक्ट सेडानको इन्टेरियर डिजाइन र एक्सटेरियर डिजाइन सामाजिक सञ्जालमा शेयर गरेको छ ।

होन्डाले जारी गरेको स्केच अनुसार आगामी होन्डा अमेजको लुक नयाँ होन्डा सिटी र अन्तर्राष्ट्रिय मोडल होन्डा एकर्डबाट इन्सपायर भएको देखिन्छ । अमेजको फ्रन्टमा शार्प स्टाइल लाइन्स र हेक्सागोनल ग्रिल दिइएको छ। यसको दुबै छेउमा एलईडी डीआरएलको साथ पातलो एलईडी हेडलाइट छ, जुन होन्डा एलिभेट एसयूभी जस्तो देखिन्छ। यसमा मल्टि-स्पोक अलोय ह्विल, स्लीक एलईडी टेललाइट र होन्डा सिटीजस्तै उच्च बम्पर दिन सकिन्छ।

साथै कम्पनीले यसको क्याबिनको स्केच पनि सार्वजनिक गरेको छ । यसमा नयाँ ड्यासबोर्ड लेआउट र नयाँ क्याबिन थिम दिइएको छ । क्याबिन भित्र कालो र बेज कलरको थिमसहितको ३ स्पोक स्टेयरिङ ह्विल दिइएको छ ।

नयाँ अमेजमा वायरलेस फोन चार्जर र सिंगल पेन सनरुफ जस्ता नयाँ फिचर हुनेछ । सेफ्टीका लागि ६ वटा एयरब्याग, इलेक्ट्रोनिक स्टेबिलिटी कन्ट्रोल, रियर भ्यु क्यामेरासहितको एडभान्स ड्राइभिङ असिस्ट सिस्टम पनि उपलब्ध गराउन सकिन्छ ।

होन्डा अमेजमा मेकानिकल परिवर्तन हुने सम्भावना कम छ । अमेजमा हाल १.२ लिटर आई-भीटेक नेचुरली एस्पिरेटेड पेट्रोल इन्जिन उपलब्ध छ, जसले ८७.७ एचपी पावर र ११० एनएम टर्क जेनेरेट गर्छ । ट्रान्समिसनका लागि यसको इन्जिनमा ५ स्पिड म्यानुअल वा सीभीटी गियरबक्सको विकल्प छ । अमेज पेट्रोल इन्जिनमा मात्र उपलब्ध हुनेछ । सो कारले १८.६ किलोमिटर प्रति घण्टा माइलेज दिने कम्पनीको दाबी छ ।

नयाँ पुस्ताको होन्डा अमेजको मूल्य ७ लाख ५० हजार भारुबाट सुरु हुने अपेक्षा गरिएको छ। यसले नयाँ पुस्ताको मारुती डिजायर, टाटा टिगोर र हुन्डाई औरासँग प्रतिस्पर्धा गर्नेछ ।