चांगन डीपल एसएल–०३ नेपालमा नयाँ वर्षको पहिलो त्रैमासिकमा सार्वजनिक हुने

काठमाडौं– आगामी डिसेम्बरमा थाइल्यान्डमा सार्वजनिक हुन लागेको चांगनको प्रिमियम इलेक्ट्रिक सेडान डीपल एसएल–०३ नेपालमा अंग्रेजी नयाँ वर्षको पहिलो त्रैमासिकमा सार्वजनिक हुने भएको छ ।

सीएटीएल, हुवावे र चांगन अटोको साँझेदारीमा स्थापना भएको डीपल ब्रान्ड अन्तर्गतको एसएल–०३ पनि नेपालमा सार्बजनिक हुने आधिकारिक वितरक एमएडब्लु ग्रुपले जनाएको हो । यसअघि कम्पनीले एस–७ नेपाल ल्याउने घोषणा गरेको थियो ।

डीपल एसएल–०३ डिजाइन क्षेत्रको ओस्कार मानिने रेड डट डिजाइन अवार्ड २०२३ बाट विभुषित कार हो ।