याडिया प्रिमियम इलेक्ट्रिक स्कुटरमा दशैं अफरः २५ हजार नगद र दुई हेल्मेट तथा २ हजारको फुड भौचर

काठमाडौं – याडियाको नेपालका लागि आधिकारिक वितरक कुजु नेपाल प्रालिले चाडपर्वको अवसरमा याडियाका प्रिमियम इलेक्ट्रिक स्कुटरमा २५ हजार नगद छुट र दुई वटा हेल्मेट निःशुल्क दिने योजना सार्वजनिक गरेको छ ।

विद्युतीय सवारी साधनमा ग्राहकको राम्रो आकर्षण रहेको समयमा प्रिमियम स्कुटरमा राम्रो छुट अफर गरेका हौं’, कुजु नेपालका संचालक उमिद श्रेष्ठले भने ।

कम्पनीले यस बाहेक स्कुटर किन्ने ग्राहकलाई २ हजार रुपैयाँ बराबरको फुड भौचरको साथै ब्याज नलाग्ने स्किम पनि दिएको छ । जसमा कर्जा लिएको रकममा कुनै अतिरिक्त ब्याज लाग्ने छैन । एक वर्षको सडक दस्तुर, एक्सचेन्ज सुविधा र सहज फाइनान्स सेवा ग्राहकले पाउने छन् । यसबाट ग्राहकले प्रदूषणरहित विश्वस्तरिय इलेक्ट्रिक स्कुटर सहज तरिकाले पाउने छन् ।

कुजु नेपाल प्रालिले अहिले विभिन्न ४ भेरिएन्टमा इलेक्ट्रिक स्कुटर विक्री गर्दै आएको छ । कम्पनीले विक्री गर्ने स्लाइक सिंगल ब्याट्री भएको मोडलको मूल्य २ लाख ३० हजार रुपैयाँ रहेको छ भने यसलाई फुलचार्जमा ६० किलोमिटर गुडाउन सकिन्छ । यसको टप स्पिड क्षमता भने ५० किलोमिटर प्रतिघन्टा रहेको छ ।

एस् लाइक मोडलकै डबल व्याट्री भेरिएन्टको मूल्य ३ लाख १० हजार रुपैयाँ रहेको छ । यसलाई फुलचार्जमा १२० किलोमिटर गुडाउन सकिन्छ भने यसको टप स्पिड क्षमता ५० किलोमिटर प्रतिघन्टा रहेको छ ।

त्यसैगरी याडिया जी ५ को मूल्य ३ लाख ३० हजार रुपैयाँ छ । ६० किलोमिटर प्रति घन्टाको स्पिडमा चलाउन सकिने यो स्कुटर एक पटकको फुल चार्जमा ८० किलोमिटर गुडाउन सकिन्छ । कम्पनीले विक्री गर्ने सबैभन्दा धेरै मूल्यको सि वान एस मोडलको मूल्य ३ लाख ५० हजार रुपैयाँ रहेको छ । यसको पनि टप स्पिड र रेन्ज जी ५ को जस्तै रहेको छ ।

कम्पनीले सबै स्कुटरको ब्याट्री र मोटरमा २ वर्ष र चार्जरमा एक वर्षको वारेन्टी प्रदान गरेको छ ।