डकाई ब्रान्डका स्पेयर पार्ट्स नेपालमा उपलब्ध हुने

काठमाडौं – भारतको प्रतिष्ठित स्पेयर पार्ट्स ब्रान्ड ‘डकाई’ नेपाल भित्रिने भएको छ । केही दिन पहिले नेपाली बजारमा किर्लोस्कर इन्जिन आयल भित्र्याएको आदिशक्ति ग्लोबल ट्रेडर्सले डकाई ब्रान्डका स्पेयर पार्ट्स समेत उपलब्ध गराउने भएको छ ।

आदिशक्ति ग्लोबल ट्रेडर्सका डाइरेक्टर पुरुषोत्तम पौडेल भन्छन्, ‘करिब एक साताभित्रै डकाई ब्रान्डका स्पेयर पार्ट्स बिक्रीका लागि उपलब्ध हुनेछन् ।’ टु ह्विलर र फोर ह्विलर सबै सेगमेन्टका सवारी साधनका लागि आवश्यक ब्रेक शु, ब्रेक प्याड, क्लच प्लेट, डिस्क ब्रेक प्याड र ब्रेक लाइनिङ जस्ता स्पेयर पार्ट्स उपलब्ध हुनेछन् ।

भारतको गुडगाउँ र राजस्थानमा प्रोडक्सन युनिट रहेको डकाई अटोमोटिभ प्रालिले उत्पादन गर्ने डकाई ब्रान्डमा आफ्नै स्पेयर पार्ट्स उत्पादन थालिएको थियो । यो भन्दा पहिले लामो समय देखि अन्य विभिन्न प्रतिष्ठित स्पेयर पार्ट्स ब्रान्डका लागि आफ्नो प्लान्टमा विभिन्न उत्पादन उपलब्ध गराउने गरेको कम्पनीको भनाइ छ ।

हाल डकाईका स्पेयर पार्ट्स नेपाल वाहेक युएई, श्रीलंका, केन्या र साउदी अरब लगायतका विभिन्न देशमा समेत उपलब्ध हुने गरेको कम्पनीको भनाइ छ ।