क्रसएक्सको अर्को नयाँ बाइक सीएक्स३००एक्स, डेलिभरीको अन्तिम चरणमा, मूल्य कति ?

काठमाडौं – नेपालका लागि क्रसएक्स बाइकको आधिकारिक वितरक बाइकर्स नेपालले ३०० सीसीको नयाँ बाइक सीएक्स३००एक्स अब औपचारिक रुपमा डेलिभरी गर्ने भएको छ । लामो प्रतीक्षा पश्चात यो बाइक अब ग्राहकलाई हस्तान्तरण गर्ने तयारी भएको कम्पनीको भनाइ छ । त्यसैगरी नयाँ ग्राहकले समेत यसको बुकिङ गर्न सक्ने छन् ।

सो बाइक नयाँ फ्रेम डिजाइन, एड्भान्स्ड इलेक्ट्रोनिक्स, ईएफआई सिस्टम र इन्ह्यान्स्ड सस्पेन्सनका साथ उपलब्ध भएको हो । यी सबैका कारण यसको पर्फमेन्स पहिले भन्दा अझै सुधारिएको र भरपर्दो समेत बनेको छ । नयाँ बाइक सहरी सडक र रफ टेरेन सबैमा उपयुक्त हुनेछ ।

पहिले भन्दा अझै स्मुद र डायनामिक राइडको अनुभूति राइडरलाई हुने भएकाले पावरफुल अनि मोडर्न मेसिन खोज्नेका लागि सीएक्स३००एक्स एकदमै उपयुक्त हुने कम्पनीको भनाइ छ ।

समग्रमा यो बाइकमा नयाँ फ्रेम, नयाँ इन्जिन, नयाँ ईएफआई सिस्टम, नयाँ बडी र नयाँ प्लाष्टिकको प्रयोग भएको छ । यसमा २८३ सीसी सिंगल सिलिन्डर फोर स्ट्रोक ट्विन क्याम इन्जिन रहेको छ । यसको ग्राउन्ड क्लियरेन्स ३०० एमएम छ भने सिटको उचाई ९२० एमएम छ । यसमा ८ लिटरको इन्धन ट्यांकी रहेको छ ।

यसको मूल्य ९ लाख ४५ हजार रुपैयाँ तोकिएको छ ।