क्रसफायर मोटरसाइकल किन्दा ३० हजारसम्म नगद छुट र एक्सचेन्ज बोनस पाइने

काठमाडौं– क्रसफायर र इटालिका मोटोको नेपालका लागि आधिकारिक वितरक क्लासिक ह्विल्स एक्सपोर्ट एण्ड इम्पोर्ट प्रालिले नयाँ वर्ष अफर ल्याएको छ ।

उक्त अफर अन्तर्गत यी दुई ब्राण्डका मोटरसाइकल र स्कुटर खरिद गर्दा ग्राहकले ३० हजासम्म नगद छुट र त्यत्तिनै रकम एक्सचेन्ज बोनस पाउनेछन् । साथै लक्कि ड्र मार्फत हरेक हप्ता डिस्काउन्ट भौचर र अन्य सुबिधा समेत पाउन सकिने कम्पनीले जनाएको छ ।

‘जोसिलो उमंग, क्रसफायर र मोटोलिकासंग’ स्लोगन सहित आएको सो अफरमा क्रसफयार ट्रेकर र एचजे मोडलका मोटरसाइकल किन्दा ग्राहकले ३० हजार नगद छुट र त्यत्तिनै रकम एक्सचेन्ज पाउनेछन् ।

यसैगरी इटालिका मोटोको नभडा र स्टालियन मोटरसाइकलमा ३० हजार नगद छुट र त्यत्ति नै रकम एक्सचेन्ज वोनस तथा फर्मूला स्कुटरमा २० हजार छुट र त्यत्ति नै रकम एक्सचेन्ज वोनस प्रदान गरिने जनाइएको छ ।

अफर क्रसफायरको नेपालभर सञ्चालनमा रहेका शोरुमममा उपलब्ध हुनेछ ।