विन्टर अफर : क्रसफायर र इटालिका मोटो किन्दा अफरै अफर, एक्सचेन्जमा थप सुविधा

काठमाडौं – क्रसफायर र इटालिका मोटोको आधिकारिक बितरक क्लासिक ह्विल एक्स्पोर्ट एन्ड इम्पोर्ट प्रालिले जाडो मौसमलाई लक्ष्यित गरी विन्टर अफर सार्बजनिक गरेको छ ।

उक्त अफर अन्तर्गत ग्राहकले आकर्षक छुट र निःशुल्क सामग्री पाउने छन् भने टेस्ट राइड र एक्सचेन्ज गर्दा विशेष छुट समेत पाउने छन् । गत शुक्रबार देखि प्रारम्भ भएको सो अफर आगामी पुस ५ गते सम्म चल्ने छ ।

विन्टर अफर अन्तर्गत क्रसफायरको ट्रेकर २५० खरिद गर्दा १० हजार रुपैयाँ छुट पाउनुका साथै निःशुल्क हेल्मेट, चेस्टगार्ड र ग्लोभ्स पाइने छ । त्यसैगरी आरएम २५० खरिद गर्दा निःशुल्क हेलमेट र गगल्सका साथै एचजे २५० खरिद गर्दा पनि १० हजार छुट र निःशुल्क हेल्मेट र गगल्स पाइने छ ।

त्यसैगरी इटालिका मोटोका सबै मोडल खरिदमा १० हजार छुट र निःशुल्क हेल्मेट, चेस्टगार्ड र ग्लोभ्स पाइने छ ।

कुनै पनि ब्रान्डको पुरानो मोटरसाइकल वा स्कुटरसँग क्रसफायर र इटालिका मोटोका सबै मोडल एक्सचेन्ज गर्न सकिने छ । यसरी एक्सचेन्ज गर्दा थप १० हजार रुपैयाँ भ्यालुएसन प्रदान गरिने छ ।