भारतमा हरेक दिन बिक्छ ५५० यूनिट क्रेटा, २०२५ मा रेकर्ड ब्रेक बिक्री

हुन्डाईको सर्बाधिक लोकप्रिय एसयूभी क्रेटाले २०२५ मा अहिलेसम्मकै उच्च वार्षिक बिक्री रेकर्ड कायम गरेको छ । यस वर्ष क्रेटा २ लाख युनिटभन्दा बढी बिक्री भएको हुन्डाई मोटर्स इन्डियाले जनाएको छ । भारतमा क्रेटा हरेक दिन औसत ५५० युनिटका दरले बिक्री भएको हो ।

भारतीय ग्राहकमाझ निकै नै लोकप्रिय मोडलका रुपमा परिचित क्रेटा एक आधुनिक मिडसाइज एसयूभी हो, जसले यो सेग्मेन्टमा ३४ प्रतिशत भन्दा बढी बजार हिस्सा ओगटेको छ । २०१६ मा लन्च भएयता क्रेटा एसयूभी सेग्मेन्टमा सर्बाधिक बिक्री हुने मोडल बन्दै आएको छ ।

हुन्डाई मोटर इन्डिया लिमिटेडका सीईओ तरुण गर्गका अनुसार क्रेटाका ग्राहक २०२० को तुलनामा १९ प्रतिशतले बढेर ३२ प्रतिशत पुगेको छ । उनका अनुसार, एसयूभीको सनरुफ भेरियन्टले यस वर्ष क्रेटाको बिक्रीमा ७० प्रतिशत भन्दा बढी योगदान दिएको छ । क्रेटाका कुल बिक्रीमा डिजेलको हिस्सा ४४ प्रतिशत छ ।

भारतमा जस्तै नेपाली बजारमा समेत क्रेटालाई रुचाउने एसयूभी पारखीको संख्या बढ्दै गएको छ । सन् २०१६ मा लन्च भएयता क्रेटाले हालसम्म १० हजारभन्दा बढि ग्राहक पाइसकेको छ । यो नेपालमा सर्बाबिधक रुचाइएको एसयूभी हो । हाल यसको ईभी भर्सन समेत बिक्री हुँदै आएको छ भने आइसिई भर्सन नेपालमै एसेम्वल भइरहेको छ ।