क्रेटा इलेक्ट्रिकले अब १०० किलोवाट डीसी फास्ट चार्जर सपोर्ट गर्ने

हुन्डाईले क्रेटा इलेक्ट्रिकका लागि सफ्टवेयर अपडेट ल्याएको छ । उक्त सफ्टवेयर अपडेटमार्फत एसयुभीलाई अव १०० किलोवाट क्षमताको डिसी फास्ट चार्जरले चार्ज गर्न सकिने जनाइएको छ ।

भारतभरका क्रेटा इलेक्ट्रिक धनीलाई पछिल्लो अपडेटको बारेमा सूचित गर्न आफ्ना सेवा केन्द्रमार्फत जानकारी पठाएको कम्पनीले जनाएको छ । अपडेटमा भिसियू, बिएमयू÷बिएमएस तथा अन्य मोड्युलहरु समावेश गरिएको छ ।

अपडेटपछि गरिएको प्रारम्भिक चार्जिङ परीक्षणले आशाजनक नतिजाहरू ल्याएको क्रेटा प्रयोगकर्ताले बताएका छन् । क्रेटा ईभीले यसअघि ५० किलोवाट क्षमताको डिसी फास्ट चार्जर मात्रै सपोर्ट गर्ने क्षमता राख्दथ्यो ।

क्रेटा इलेक्ट्रिक हाल ४२ किलोवाट आवर र ५१.४ किलोवाट आवर भेरिएन्टमा उपलब्ध छ । जसको अधिकतम रेन्ज ४२० किलोमिट र ५१० किलोमिटर दाबी गरिएको छ ।