कार रोक्नका लागि पहिले क्लच थिच्ने कि ब्रेक ?

ड्राइभिङ एउटा कला हो । कार ड्राइभिङ गर्न सिक्ने पहिलो आधारभूत मन्त्र भनेको स्टेयरिङ नियन्त्रण गर्नु हो । त्यसपछि मात्र गियर परिवर्तन गर्ने र कारलाई कसरी अगाडि बढाउने भन्ने हो । राम्ररी कार ड्राइभिङ गर्न नसक्दा कार अचानक बन्द हुने, झट्का लाग्ने र कम माइलेज दिने जस्ता समस्याको सामना गर्नुपर्ने हुन्छ । कार ड्राइभिङमा क्लच र ब्रेकको पनि राम्रो जानकारी हुनुपर्छ ।

कस्तो अवस्थामा क्लच थिच्ने र कस्तो अवस्थामा ब्रेक लगाउने भन्ने जानकारी सबैमा हुनुपर्छ । क्लच र ब्रेकको संयोजन परिस्थिति अनुसार फरक हुन्छ ।

राजमार्गमा
राजमार्गमा कार ड्राइभ गर्दा क्लचको प्रयोग पछि मात्र गरिन्छ । राजमार्गमा कारको स्पिड बढी भएकाले कार रोक्न वा स्पिड कम गर्नको लागि ब्रेक थिचेर कारलाई तल्लो गियरमा सारिन्छ र कारको स्पिड पूर्णतया कम भएपछि कारलाई क्लच थिचेर रोकिन्छ, त्यसपछि ब्रेक थिचिन्छ ।

ट्राफिक जाममा
ट्राफिक जाममा कारको गति एकदमै कम हुन्छ । यस्तो अवस्थामा पहिले क्लच थिचेर ब्रेक लगाइन्छ । यस्तो गरिएन भने कारले झट्का खाएर रोकिन सक्छ ।

गाडी रोक्ने अवस्थामा
कार सामान्य गतिमा छ र कार रोक्न आवश्यक परेमा राजमार्गमा जस्तै कार रोक्नुपर्छ । पहिले ब्रेक थिचेर कारको गति घटाउने र त्यसपछि क्लच थिचेर गियर कम गर्नपर्छ । जब कारको गति धेरै कम हुन्छ, तब क्लच थिच्नुपर्छ ।

अचानक रोक्नु पर्दा
कहिलेकाही कारलाई अचानक रोक्नुपर्ने हुन्छ । यस्तो अवस्थामा चालक आत्तिएर क्लच र ब्रेक दुबैसँगै थिचेर कार रोक्न पुग्छ । यसले कारको टायरमा गियरको नियन्त्रण हुँदैन र दुर्घटना हुन सक्छ । त्यसैले कारलाई अचानक रोक्नु परेमा कारको ब्रेकलाई थिच्नुपर्छ र कार पूर्ण रूपमा नरोकेसम्म क्लचलाई पनि थिचिराख्नु पर्छ । गियर र ब्रेकको नियन्त्रणका कारण कार छोटो दूरीमा रोक्न सकिन्छ ।