सिट्रोन सी३ अव इलेक्ट्रिकमा पनि आउने, अर्को वर्षको अप्रिल महिनादेखी विक्री शुरु हुने संभावना

फ्रेन्च अटो निर्मात सिट्रोनले सी३ लाई इलेक्ट्रिक भर्सनमा ल्याउने तयारी थालेको छ । भारतीय बजरमा केही हप्ता अघिमात्र लन्च गरिएको यसको इलेक्ट्रिक भर्सन अर्को वर्षको अप्रिल महिनादेखी भारतमा बिक्री शुरु हुने आँकलन गरिएको छ । यो कारलाई यसै वर्षको डिसेम्वरमा फ्रान्समा लन्च गर्ने सिट्रोनले योजना वनाएको छ ।

मोडुलर सिएमपी प्लेटफर्ममा निर्माण गर्न लागिएको यो कारको मूल्य कम गर्न स्थानिय सामाग्रीको प्रयोगलाई बढवा दिइनेछ । यो कार १३ लाख भारुको आसपासमा लन्च हुनसक्ने जनाइएको छ । ५० किलोवाट आवर आसपासको व्याट्री प्याक जडान हुने अनुमान लगाइएको यो कारले एकपटकको फुल चार्जमा ३५० किलोमिटरसम्म रेन्ज दिने अनुमान छ ।

हाल कारोबार भैरहेको रेगुलर मोडलको तुलनामा यो केही हदसम्म प्रियिम समेत देखिनेछ । जसका लागी वायरलेस चार्जर, क्रुज कन्ट्र र अटो एसी जस्ता फिचर्स यो इलेक्ट्रिक भर्सनमा थप हुनेछन् । यो कार लन्च भएपछि यसले भारतमा टाटा टिगोर इभी र एमजीले ल्याउने तयारी थालेको सानो इभीसंग प्रतिस्पर्धा गर्नेछ ।

भारतमा लन्च भएपश्चात यो नयाँ इलेक्ट्रिक कार नेपाल समेत भित्रिनेछ । नेपालका लागि आधिकारिक वितरक सांग्रिला मोटर्सले अहिले सि५ एयरक्रस एसयूभी आयत गरी कारोबार गरिरहेको छ भने सि३ लाई समेत भित्राउने तयारी थालिसकेको छ । आयतमाथिको प्रतिवन्ध हटेपछि सी३ नेपाल आउने कम्पनी स्रोतको भनाई छ ।