५० वर्षसम्म चलाउन सकिने सिट्रोन ओली इलेक्ट्रिक कार

फ्रान्सेली अटो कम्पनी सिट्रोनले ओली इलेक्ट्रिक भेरिएन्ट लन्च गर्नका लागि तयारी अवस्थामा छ । यद्यपि यो कार हाल युरोपेली बजारका लागि लन्च गरिएको हो । युरोपेली बजारमा सो कार करिब २३ हजार पाउण्ड मूल्यमा उपलब्ध छ ।

सो कारको सबैभन्दा ठूलो विशेषता भनेको यो कार करिब ५० वर्षसम्म चलाउन सकिन्छ । सो कार रिसाइकिलेबल र सजिलै मर्मत गर्न सकिन्छ । यसका लागि डिजाइन पनि फ्युचरिस्टिक राखिएको छ । कम्पनीका अनुसार सो कार २०१९ देखि बजारमा उपलब्ध भए तापनि हाल मात्र लन्च गरिएको हो ।

सिट्रोन ईभी १ हजार किलोग्राम छ । यसले सिंगल चार्जमा ४०० किलोमिटर रेन्ज प्रदान गर्छ । यसमा ४० केडब्ल्युएचको सिंगल ब्याट्री प्याक दिइएको छ । सो कार स्टिल र फाइबरबाट बनाइएको छ ।

ओलीको डिजाइन एसयूभीबाट प्रेरित छ । यो कार रिसाइकल सामग्रीबाट बनाइएको हो । यसको डिजाइन हुम्वीसँग मिल्दोजुल्दो छ र यसमा फ्ल्याट बोनेट दिइएको छ । कारको बुकिङ र डेलिभरीको बारेमा कम्पनीले अहिलेसम्म कुनै खुलासा गरेको छैन ।