जर्मनीलाई पछि पार्दै चीन वन्यो विश्वकै दोस्रो ठूलो कार निर्यातक, इभीको हिस्सामा लगातार बृद्धि

न्यू इनर्जी भेइकलको हिस्सामा निरतरको बृद्धिले चीनलाई विश्वकै दोस्रो ठूलो कार निर्यातक बनाएको छ । यस वर्षको जनवरीदेखी सेप्टेम्वर महिनासम्म निर्यात भएको कुल कारको संख्यामा चीनले जर्मनीलाई पछि पार्दै यो स्थान ओगटेको हो । सुचीको पहिलो स्थानमा जापान रहँदै आएको छ ।

नौ महिनाको यो अवधीमा चीनले कुल २१ लाख कार निर्यात गरेको चाइना एसोसिएसन अफ अटोमोवाइल म्यानुफ्याक्चरर्सले जनाएको छ । उसलाई पछ्याउँदै जर्मनीले १९ लाख कार निर्यात गरेको जर्मन एसोसिएसन अफ अटोमोवाइल इन्डष्ट्रिको भनाई छ ।

चीनमा उत्पादन भएका न्यू इनर्जी भेइकल अर्थात इभीको माग विश्वव्यापी रुपमा बढ्दै गएपछि यो उपलब्धी हाँसिल गर्न सहज भएको चाइना प्यासेन्जर कार एसोसिएसनका महासचिव सुई डोगंसुले बताएका छन् । उनका अनुुसार चीनमा उत्पादन हुने यस्ता साधन प्रविधी, मूल्य र मोडलका हिसावले उत्कृष्ट सावित भएपछि विश्वभरबाट माग हुँदै आइरहेको छ ।

चीपको विश्वव्यापी अभावका वावजुत पनि चीनका अधिकांश उद्योगहरुले उत्पादन सुचारु गर्न सकेका कारण पनि निर्यात बढेको हो । चीपको सप्लाईमा चीन सरकारले नै यस्ता उद्योगहरुलाई एथेष्ट सहयोग गर्दै आइरहेको थियो । कारको उत्पादन र निर्यात दुवै बढेपछि अटो कम्पोनेन्टका उद्योगहरु समेत फस्टाउँदै गएको र यसले देशकको अटो उद्योगको विकासमा दिर्घकालिन सहयोग गर्ने त्यहाँस्थित अटोमोवाइल क्षेत्रका विज्ञहरुले बताएका छन् ।