७ दिनपछि लन्च हुँदै चेतकको नयाँ इलेक्ट्रिक स्कुटर

बजाज अटोले चेतक स्कुटरको नयाँ मोडेल छिट्टै लन्च गर्ने तयारी गरेको छ । कम्पनीले चेतक ब्याज भएको नयाँ एलईडी टेललाइट सहितको एउटा टिजर सेयर गरेर यसबारे जानकारी दएको हो । उक्त नयाँ स्कुटर यहि जनवरी १४ मा लन्च हुने जनाइएको छ ।

चेतकको उक्त नयाँ मोडललाई कम्पनीले यसअघि विभिन्न चरणमा परिक्षण गर्दै आएको छ । स्पाई तस्बिरका अनुसार, उक्त नयाँ इलेक्ट्रिक स्कूटरमा हव माउन्ट गरिएको मोटर उपलब्ध हुनेछ । नयाँ मोटर जडान भएर आउने भएपछि यसको मूल्य समेत कम पर्ने अनुमान गरिएको छ ।

नयाँ स्कुटरमा चेतकले हालकै मोडलबाट प्रेरित डिजाइन दिएको छ । स्कुटरमा डिजिटल इन्सट्रयुमेन्ट कन्सोल, वरिपरि एलईडी डीआरएल रिंग र फ्ल्याट सिट भएको ओभल एलईडी हेडल्याम्प जस्ता विशेषता पाइनेछ ।

नयाँ चेतक नयाँ प्लेटफर्ममा आधारित हुने र विभिन्न ब्याट्री अप्नसमा उपलब्ध हुनसक्ने अपेक्षा गरिएको छ ।