चाइनिज ब्रान्ड प्यासेन्जर भेइकल निर्यातमा चेरीको नयाँ कीर्तिमान

नोभेम्बर महिनामा चेरी ग्रुपको सेल्स भोल्युम १ लाख ५३१ युनिट पुगेको छ, जुन १ लाख युनिट भन्दा बढी लगातार छैटौ पटकको सेल्स भोल्युम हो ।

सन् २०२२ को ११ महिनामा चेरीले ११ लाख २७ हजार २८९ युनिट कार बिक्री गरेको छ, जुन गत वर्षको भन्दा ३२.६ प्रतिशत बढी हो । इतिहासमै सबैभन्दा बढी कार बिक्री गर्न सफल कम्पनीले ७०.९ प्रतिशतले निर्यात समेत बढाएको छ । चाइनिज ब्रान्डको प्यासेन्जर भेइकल निर्यातमा कम्पनीले नयाँ रेकर्ड कायम गरेको हो ।

चाइनिज ब्रान्ड प्यासेन्जर भेइकल निर्यातमा लगातार १९ वर्ष सम्म टप पोजिसनमा रहेको चेरीले यो वर्ष आफ्नै रेकर्ड तोडेको हो । सिंगल मन्थको रेकर्डका साथै चार महिना सम्म ५० हजार युनिट भन्दा बढी निर्यात समेत गर्न कम्पनी सफल भएको छ ।

चेरीÞद्वारा उत्पादन गरिएका सवारी साधनको विश्वसनियताका कारण यो सम्भव भएको कम्पनीको भनाइ छ । सात सिटर चेरी टिग्गो ८ प्रो यो वर्ष ब्राजिलमा मात्र १ लाख ७१ हजार युनिट भन्दा बढी बिक्री भएको छ । त्यसैगरी कतार र मध्य पूर्वी देशहरुमा १ लाख ४६ हजार युनिट भन्दा बढी बिक्री भएर चेरी टिग्गो ७ प्रो यो सेगमेन्टको सबैभन्दा बढी बिक्री हुने कार बनेको छ ।

नेपाली बजारमा पनि चेरी टिग्गो ४ प्रो, टिग्गो ७ प्रो र टिग्गो ८ प्रो उपलब्ध छन् । चेरी टिग्गो ४ प्रो एमटीको मूल्य ४६ लाख २० हजार, सीभीटीको मूल्य ५३ लाख ९९ हजार र सीभीटी टर्बोको मूल्य ५९ लाख ९९ हजार रुपैयाँ छ ।

त्यसैगरी चेरी टिग्गो ७ प्रोको मूल्य ७४ लाख ९९ हजार र टिग्गो ८ प्रोको ९९ लाख ५० हजार रुपैयाँ छ ।

नेपाली बजारमा एसपीजी अटोमोबाइल्सले चेरीका गाडी बिक्री–वितरण गरिरहेको छ ।