फ्ल्यागशिप एसयूभी ‘आईकार–भी२७’ को ग्लोवल डेब्यु गर्दै चेरी

काठमाडौं–चिनियाँ अटो निर्माता चेरीले अगष्ट १ मा आफ्नो फ्ल्यागशिप एसयूभी आईकार–भी२७ को ग्लोवल डेब्यु गर्ने भएको छ ।

कम्पनीले आफ्नो नयाँ ब्रान्ड आईकाउर (iCAUR) इन्टरनेश्नल प्रिमियरमा सो नयाँ कार सार्बजनिक गर्ने तयारी गरेको हो । एप्पलसंगको ट्रेडमार्क द्वन्द्वका कारण अन्तराष्ट्रिय बजारमा आईकर ब्रान्डलाई बिक्री गर्न समस्या परेपछि चेरीले नयाँ ब्रान्ड आईकाउर ल्याउन लागेको को ।

दुवईमा आयोजना हुने उक्त कार्यक्रममा चेरीले आईकार भी२७ सहित थप दुई मोडल आईकार भी२३ र आईकार ०३ समेत शोकेस गर्ने तयारी गरेको छ । जसमध्ये भी२३ नेपाली बजारमा समेत प्रतिक्षा गरिएको कम्प्याक्ट एसयूभी हो ।

५ मिटर हाराहारी लामो भी२७ चेरीको आईकार ब्रान्डमा उपलब्ध हालसम्मकै अत्याधुनिक र सुबिधासम्पन्न एसयूभी हुने कम्पनीको भनाई छ । २८ हजारदेखी ३५ हजार डलरसम्म मूल्य निर्धारण हुनसक्ने अनुमान गरिएको यस अफरोडर एसयूभी यसै वर्षको अन्त्यदेखी चीनमा उत्पादन हुने अनुमान गरिएको छ ।

हाल उपलब्ध भी२३ को डिजाइनबाट प्रेरित हुने भी२७ को मेकानिकल, पावरट्रेन र फिचर जस्ता महत्वपूर्ण पक्षहरुका वारेमा कम्पनीले हालसम्म कुनै जानकारी वाहिर ल्याइसकेको छैन । उद्यपी यो १.५ टी टर्बोचार्ज्ड इन्जिनका साथ रेन्ज–एक्सटेन्डेड इलेक्ट्रिक पावरट्रेनमा उपलब्ध हुनसक्ने अनुमान गरिएको छ ।