फेरि अर्को सबैभन्दा सस्तो इलेक्ट्रिक कारको चर्चा

पेट्रोल र डिजेलको मूल्य विगत केही वर्षहरूमा उल्लेखनीय रूपमा बढेको छ । यही सोचलाई ध्यानमा राख्दै कार निर्माता कम्पनीहरूले लगातार विभिन्न इलेन्ट्रिक कारहरु बजारमा ल्याइरहेका छन् ।

भारतको मुम्बईस्थित एक इलेन्ट्रिक सवारी साधन स्टार्टअपले विश्वकै सस्तो इलेक्ट्रिक कार बनाएको दाबी गरेको छ । साथै कम्पनीले यसको लागि बुकिङ पनि सुरु गरेको छ । स्टोर्म मोटर्स नामको यो स्टार्टअपले स्टोर्म आर३ इलेक्ट्रिक कार लन्च गरेको छ जसको मूल्य ४ लाख ५ हजार भारु तोकिएको छ ।

सो नयाँ कार १० हजार भारुमा बुक गर्न सकिन्छ । कम्पनीले यो कार ३ भेरिएन्टमा लन्च गरेको छ । यो इलेक्ट्रिक कारमा ठूलो साइजको सनरुफ रहेको छ र यसलाई एक पटक चार्जमा ५० किलोमिटरसम्म चलाउन सकिन्छ ।

पहिलो चरणमा, यो इलेक्ट्रिक कार दिल्ली र मुम्बईमा बिक्री गरिनेछ । कम्पनीको वेबसाइटमार्फत सो इलेक्ट्रिक कार मुम्बई, ठाणे, नवी मुम्बई, नयाँ दिल्ली, गुरुग्राम र नोएडाका ग्राहकहरूले यो ईभी खरिद गर्न सकिन्छ । यसको लुक एकदमै अनौठो र आकर्षक छ ।

दुई सिटर यो गाडीको टप स्पिड ८० किमी प्रतिघण्टा छ ।