माइलेज बढाउन नयाँ सेलेरियोमा गरिएका छन यस्ता परिबर्तन

मारुती सुजुकीको निकै नै लोकप्रिय ह्याचब्याक सेलेरियोको नयाँ मोडल नेपाल आइपुगेको छ । सार्बजनिक हुनु केही समयअघि देखीनै बुकिङ खुल्ला गरिएको यो कार उच्च माइलेजका कारण चर्चामा रहँदै आएको छ । अटोमोटिभ रिसर्च एसोसियसन अफ इन्डियाले(एआरएआई) ले गरेको माइलेज टेष्टमा यो नयाँ कारले प्रतिलिटर इन्धन खपतमा २६.६८ किलोमिटर माइलेज प्रदान गरेको दाबी गरिएको छ । जुन हाल आकाशिंदै गएको पेट्रोलको मूल्यका कारण निराश बन्दै गएका कार प्रयोगकर्ताका लागि सुखद समचार समेत हो ।

सामन्यत २ सय सिसी माथीका मोटरसाइकल र केही चल्तिका स्कुटरले समेत ३० किलोमिटर माथी माइलेज दिन हम्मेहम्मे परिरहेको सन्दर्भमा सेलेरियोले दिने यो माइलेजका कारण कार पारखीको झुकाव सेलेरियोमा बढ्ने देखिन्छ । सुजुकीका प्राय सबैजसो कार माइलेजको मामलामा सेग्मेन्टकै उत्कृष्ट ठहरिन्छन् । जसका कारण नेपाल र भारतमा यो ब्रान्डको बजार प्यासेन्जर कार सेग्मेन्टमा अग्र स्थानमा रहँदै आएको छ ।

नयाँ सेलेरियोले प्रदान गर्ने माइलेज यत्ति धेरै हुनुका पछाडी यसमा प्रयोग गरिएको नेक्स्ट जेन १.० लिटर के१० इन्जिन र अटोमेटिक गियर सिफ्ट ट्रान्समिसनले प्रमुख भुमिका खेलेको कम्पनीको भनाई छ । यो इन्जिनको प्रमुख बिशेषता भनेको इन्जिनभित्र हुने घर्षण कम गर्नु र कम्बस्टन लगायत अन्य इफिसेन्सिी बढाउनु हो ।

साथै यसमा डुअल इन्जेक्टर, भिभिटी र इन्टिग्रेटेड एक्जस्ट, कुल्ड एक्जस्ट ग्यास रिसर्कुलेसन(ईजिआर) जस्ता प्रबिधी थप गरिएको छ । जसले नयाँ सेलेरियोमा उपलब्ध गराइएको इन्जिनलाई पूर्णत नयाँ र एड्भान्स बनाएको छ । इन्जिनको अरितरिक्त एरोडाइनामिक प्रोफाइल र सुधार गरिएको टायरले समेत माइलेज बढाउन भुमिका खेलेको छ ।