गिनिज रेकर्ड होल्डर ब्लुकोर इन्जिनका साथ चांगन हन्टर र एल्सभिन

चांगन अटोको एल्सभिन सेडान र हन्टर पिकअपमा प्रयोग गरिएको ब्लुकोर इन्जिन गिनिज वर्ल्ड रेकर्ड होल्डर हो । सो इन्जिनले यो वाहेक अन्य धेरै पुरस्कार समेत प्राप्त गरेको छ ।

चांगन अटोको गिनिज रेकर्ड अन्तर्गत लंगेस्ट लाइभ भिडियो ब्रोडकास्टलाई चुनौती दिदै चोगींङ चांगन अटो ग्लोबल आर एण्ड डी सेन्टरमा प्रत्यक्ष प्रसारण गरिएको थियो । चांगनले ब्लुकोर हाइ प्रेसर डिरेक्ट इन्जेक्सन इन्जिनको पावरलाई रिलिज गरेको थियो । यस अन्तर्गत इन्जिनलाई २५९ घण्टा र आरपीएम ५५०० भन्दा माथिको गतिमा निरन्तर चलाइएको थियो ।

यस अवस्थामा पनि इन्जिनले कुनै पनि प्रकारको नकारात्मक संकेत दिएन । यसले इन्जिनको विश्वसनीयता र स्थिरतालाई पुष्टि गरेको छ । ब्लुकोर इन्जिन २०२० को चाइना कोर टप १० इन्जिनको बिजेता समेत रहेको छ ।

ब्लुकोर इन्जिनको साथमा भेराइभल भल्भ टाइमिङ, डुअल ओभरहेड क्याम र इन लाइन ४ सिलिन्डरको साथमा आउछ । ब्लुकोर इन्जिनले ग्राहकहरुलाई शक्तिशाली, शान्त र सरल ड्राइभिङ अनुभुति प्रदान गर्दछ ।

यसले ग्राहकहरुलाई अबिस्मरणीय अनुभूति प्रदान गर्नुका साथै उच्चतम प्रदर्शन र कम इन्धन खपत दिनेमा कम्पनी विश्वस्त भएको बताइएको छ ।

नेपाली बजारमा पनि यी दुई सवारी साधन बिक्रीका लागि उपलब्ध छन् । नेपाली बजारमा एमएडब्लु वृद्धि कमर्सियल भेइकल्स प्रालिले यी सवारी साधन बिक्री–वितरण गरिरहेको छ ।