चांगानको थाइल्याण्डमा औपचारिक कारोवार शुरु, दक्षिणपूर्बी एसिया हेर्न खोल्यो छुट्टै नयाँ कम्पनी

काठमाडौै– प्रख्यात चिनियाँ अटोमेकर चांगानले थाइल्याण्डमा आफ्नौ औपचारिक कारोबार शूरु गरेको छ । नोभेम्बर २७ मा आयोजित दक्षिणपूर्वी एसियाली पत्रकार सम्मेलनका दौरान कम्पनीले थाइल्याण्डको बैंककमा आफ्नो आधिकारिक उपस्थितिको सुरूवात गरेको हो ।

चांगानले एक दक्षिण पूर्व एशिया डिभिजन र स्थानीयकृत अपरेशनका लागि तीन स्थानीय कम्पनीहरू चांगान अटोमोबाइल दक्षिणपूर्व एशिया, चांगान थाईल्याण्ड सेल्स र चांगान थाईल्याण्ड पार्ट्सको स्थापना गरेको हो ।

कम्पनीले थाईल्याण्डमा नविन ऊर्जामा आधारित सवारी उत्पादन गर्न आधारस्थलको निर्माण पनि शुरू गरेको छ । प्रेस सम्मेलनका क्रममा चांगनले दक्षिण पूर्व एशियामा आफ्नो विस्तार योजनाहरूको विस्तृत जानकारी समेत गराएको थियो ।

चांगान अटोमोबाइलका अध्यक्ष झु ह्वारोङले थाइल्याण्डको अटोमोटिभ उद्योग र चांगानको नयाँ ऊर्जा रणनीतिक विकास सँगै जाने बताएका थिए । उक्त कार्यक्रममा डीपल एल ०७ र डीपल एसएल ०७ को पनि अनावरण गरिएको थियो ।