चांगन, हुवावे र सीएटीएलको संयुक्त साझेदारीमा नयाँ मिडसाइज इलेक्ट्रिक एसयूभी सार्वजनिक हुने

चीनको अग्रणी सवारी निर्माता चांगन अटोमोबाइलले हुवावे र सीएटीएलसँगको संयुक्त साझेदारीमा ‘अविता’ नामक एक उच्चस्तरीय विद्युतीय सवारी साधनको नयाँ ब्रान्ड सार्वजनिक गर्ने भएको छ । यस ब्रान्डको पहिलो गाडीको नमुनालाई ‘अविता ई ११’ नाम दिइएको छ ।

तीन भित्र उद्योगमा उच्चतम विशेषता हासिल गरेका कम्पनीहरुको एक संयुक्त साझेदारीमा अविता ई ११ गाडीको विकास भएको हो । यो ब्रान्डको गाडीहरुमा उच्चस्तरीय बौद्धिक विद्युतीय सञ्जालको प्रयोग हुनेछ, जुन चांगन, हुवावे र सीएटीएलको संयुक्त सहकार्यबाट सम्भव भएको हो ।

यो सञ्जाललाई ‘सीएचएन’ नाम दिइएको छ, जुन तीन कम्पनीको नामहरुबाट संक्षेपीकरण गरिएको हो । चांगनको सी, हुवावेको एच र निङदेशिदै अर्थात सीएटीएलको एन गरी सीएचएन बनाइएको हो ।

अविता ई ११ मा चांगनको उच्च स्तरीय ब्रान्ड मेटरियल प्रयोग गरी उत्पादन गरिएको छ भने हुवावेको पूर्ण स्ट्याक स्मार्ट कार सोलुसन र सीएटीएलको ब्याट्री टेक्नोलोजी । यो गाडीको नमुनालाई एक मध्यम आकारको विद्युतीय एसयूभी अर्थात मिड साइज एसयूभीको दर्जा दिइएको छ ।

चांगन चीनको प्रसिद्ध अटोमोबाइल निर्माता कम्पनी हो भने हुवावे प्रविधि र सीएटीएल ब्याट्री प्रविधिका लागि प्रसिद्ध छन् ।

नेपाली बजारमा पनि चांगन ब्रान्ड भित्रिने घोषणा केही समय पहिले भएको छ । नेपाली बजारमा एमएडब्लु वृद्धि अटोकर्पले चांगन ब्रान्ड नेपाल भित्र्याउने तयारी गरिरहेको छ ।