चांगान दिपल एल०७ नेपालमा बिक्री हुने, मूल्य ६६ लाख ९९ हजार

काठमाडौं – नेपाली बजारमा हाल चर्चा कमाइरहेको चांगान अन्तर्गत दिपल ब्रान्डको अर्को इलेक्ट्रिक कार समेत नेपाली बजारमा उपलब्ध हुने भएको छ । नेपालका लागि आधिकारिक वितरक एमएडब्लु वृद्धि अटोकर्पले हालै यसको मूल्य सञ्चार माध्यममा सार्वजनिक गरेको छ ।

९९ किलोवाट क्षमतामा उपलब्ध हुने दिपल एल०७ को मूल्य ६६ लाख ९९ हजार रुपैयाँ हुनेछ । करिव एक महिना देखि यो गाडी नेपाली सडकमा परीक्षण भइरहेको र केही समय पछि यसको औपचारिक बिक्री शुरु गरिने कम्पनी स्रोतको भनाइ छ ।

केही समय देखि नेपाली बजारमा चांगान दिपल एस०७ उपलब्ध छ । यसको मूल्य ७१ लाख ९९ हजार रुपैयाँ छ ।

दिपल एस०७ मा नेपाली अटोमोबाइलमा पहिलो पटक प्रयोग भएका दर्जनौं फिचर पाउन सकिन्छ । जसले ‘इलेक्ट्रिक मोबिलिटी’मा केसम्म सम्भव छ भन्ने देखाउँछ । दिपल १६० वर्षभन्दा लामो विरासत बोकेको चिनियाँ अटो ग्रुप चांगानको सब ब्रान्ड हो, जसले चांगानका लागि ‘न्यु इनर्जी भेहिकल’को विकास र उत्पादन गर्छ ।

दिपल एस०७ मा इभी डेडिकेटेड ‘इपीए१ प्ल्याटफर्म’ र ‘रियर ह्विल ड्राइभ सिस्टम’ रहेको छ । कारमा ६६.८ किलोवाट आवरको ब्याट्री प्याक र ९९ किलोवाट क्षमताको मोटर जडान गरिएको छ यसले सिंगल चार्जमा ४१० किलोमिटरको रेन्ज दिने दावी गरिएको छ ।

अब नेपाली बजारमा उपलब्ध हुने दिपल एल०७ को वारेमा भने कम्पनीले औपचारिक रुपमा जानकारी सार्वजनिक गरेको छैन । यसले पनि नेपाली बजारमा राम्रो चर्चा पाउने अपेक्षा गर्न सकिन्छ ।

दिपल एस०७ एसयूभी र एल०७ सेडान केही समय पहिले थाइल्यान्डमा एकैपटक सार्वजनिक गरिएका थिए ।