काठमाडौंको सडकमा देखिन थाल्यो नयाँ ब्रान्ड चांगनको प्रिमियम सेडान एल्सभीन

काठमाडौं – नेपाली बजारमा भर्खरै भित्रिएको चाइनिज ब्रान्ड चांगनको प्रिमियम सेडान एल्सभीन काठमाडौंका सडकमा देखिन थालेको छ । नेपालका लागि आधिकारिक वितरक एमएडब्लु वृद्धि अटोकर्पले होठल सोल्टीमा पप–अप सोरुममार्फत यसको प्रदर्शन गरिरहेको भए पनि औपचारिक रुपमा लन्च भने गरेको छैन ।

एल्सभीन चांगनको नेपालमा भित्रिएको पहिलो मोडल हो । यसको मूल्य ४२ लाख रुपैयाँ तोकिएको छ ।

एल्सभीन १.४ लिटर ब्लुकोर इन्जिन, ६–स्पिड म्यानुअल ट्रान्समिसन र १३७० सीसीको इन्जिनसँग सुसज्जित छ। ब्लुकोर इन्जिनले ९९ बीएचपी पावर र १३५ एनएम टर्क उत्पादन गर्छ जसले अधिकतम कार्यसम्पादन र इन्धनको इकोनोमी प्रदान गर्दछ।

यो गाडी २५३५ एमएमको ह्वीलबेससहित आउँछ र १६५ एमएमको ग्राउन्ड क्लियरेन्स प्रदान गर्दछ। एल्सभीनमा ४ सिलिन्डरहरू छन् र ३९० लिटरको बुट स्पेस प्रदान गर्दछ। एल्सभीनको ७ इन्च इन्फोटेनमेन्ट टचस्क्रिनले अरुहरु भन्दा फरक सुविधा प्रधान गर्दछ। उपभोक्ताहरूले मल्टिमिडियामा सजिलो पहुँच पाउनेछन् र उनीहरुले आफ्नो औंलाको टुप्पोबाट गाडी नियन्त्रणमा राख्न सक्नेछन् ।

एल्सभीनले अधिकतम सुरक्षा र आरामदायी ड्राइभिङको अनुभव प्रदान गर्दछ । प्रयोगकर्ताहरूले स्पोर्टी फ्ल्याट–बटम स्टेयरिङको साथ गाडीको बलियो पकडको आशा गर्न सक्छन्, यो स्टेयरिङको उचाई समायोजन गर्न सकिन्छ। ग्राहकलाई गाडी भित्र पस्दा वा बाहिर निस्कँदा कुनै अप्ठ्यारो हुने छैन । यो सेडानमा एन्टिलक ब्रेकिङ सिस्टम र फ्रन्टल डुअल एयरब्याग रहेको छ । यसमा डाइनामिक लाइन र प्रोक्सिमिटी अलार्म सहितको पार्किङ सेन्सरसहितको रियरभ्यू क्यामेरा पनि छ। कारमा पार्किङ र रिभर्सिङ दुवैका लागि चेतावनी बत्तीहरू पनि छन्।

एल्सभीन आकर्षक इन्टेरियरका साथ आउँदै छ। यसमा प्रिमियम लेथरेट सीटहरू छन् जसले विलासितालाई पुनः परिभाषित गर्दछ। डिजिटल इन्स्ट्रयुमेन्ट क्लस्टरले उत्कृष्ट ड्राइभिङ सहायता प्रदान गर्दै ड्राइभिङ गर्दा प्रयोगकर्ताहरूको आँखा अगाडि सबै जानकारी प्राप्त गर्न सक्नेछन् । यसका अतिरिक्त, यसमा डिजिटल डिस्प्लेको साथ एचभीएसी छ जसले प्रयोगकर्ताहरूलाई उनीहरूको आवश्यकता अनुसार तापक्रम सेट गर्न अनुमति दिन्छ।

एल्सभीनको भित्री डिजाइन जस्तै बाहिरी डिजाइन पनि उतिकै आकर्षक छ। एल्सभीनको सिग्नेचर बटरफ्लाई ग्रिलले सडकमा जो कोहिको पनि ध्यान आकर्षित गर्दछ। यसमा जडित प्रोजेक्टर हेडल्याम्पले रात्रिकालिन समयमा पनि गाडी चलाउन सजिलो पार्दछ। दिनको उज्ज्यालोमा पनि यसमा रहेको डीआरएलले गाडीको रौनक कायम राख्दछ। १५ इन्चको अलोय व्हील्सले आरामदायी यात्रा साथसाथै गाडीलाई राम्रो लुक्स दिन्छ। यसमा जडित शार्क फिन एन्टेनाले एल्सभीनलाई अझै बढीी मोडर्न देखाउँछ।