रोयल इन्फिल्ड मेटियर ३५० मा सिएटको टायर प्रयोग गरिने

सिएट टायरले हालै रोयल इन्फिल्डको नयाँ बाइक मेटियर ३५० मा सिएट टायर जडान गरिने जानकारी दिएको छ । रोयल इन्फिल्ड मेटियर ३५० को सबै भेरिएन्टमा स्एिटको टायर जडान गरिनेछ । रोयल इन्फिल्ड मेटियर ३५० मा जुम प्लस रेन्ज टायरको प्रयोग गरिनेछ ।

रोयल इन्फिल्डको सो बाइकमा सिएटको ट्युबलेस टायर प्रयोग गरिनेछ । यो भन्दा पहिला रोयल इन्फिल्डको अन्य बाइकमा सिएट टायर प्रयोग गरिएको छ । यसमा बुलेट, क्लासिक ३५०, बुलेट इलेक्ट्रा ३५०, क्लासिक ५०० र हिमालयन समावेश रहेको छ ।

रोयल इन्फिल्ड मेटियर ३५० एक क्रुजर बाइक हो र सो बाइक लामो दुरी यात्राको लागि उपयुक्त रहेको छ । चाँडै नै सो बाइकको डेलिभरी शुरु गरिनेछ ।

रोयल इन्फिल्ड मेटियर ३५० तीन भेरिएन्ट फायरबल, स्टेलर र सुपरनोभामा उपलब्ध रहेको छ । यसको टप स्पेक भेरिएन्टको मूल्य १ लाख ९० हजार भारु रहेको छ । सो मोडल नयाँ प्लेटफर्ममा तयार पारिएको हो । साथै सो बाइक कुल ७ कलरमा उपलब्ध हुनेछ ।

बाइकमा सस्पेन्सनको लागि अगाडि टेलिस्कोपिक फोर्क, ट्विन साइड रियर शक एब्जर्बर समावेश गरेको छ । ब्रेकिङको लागि दुबै तर्फ सिंगल डिस्क समावेश गरेको छ । यसको साथै ड्युअल च्यानल एबीएस समावेश छ ।