डिस्क ब्रेकमा किन हुन्छ प्वाल ?

ब्रेकिङ सिस्टममा लगातार सुधार भइरहेको छ । ब्रेकिङ सिस्टम अन्तर्गत डिस्क ब्रेक र ड्रम ब्रेक उपलब्ध छ । दुबै ब्रेकिङ सिस्टमको आ–आफ्नै विशेषता र मूल्य हुन्छ । मिडियम रेन्जको बाइकमा डिस्क ब्रेकको प्रयोग कम गरिन्छ ।

डिस्क ब्रेकमा धेरै प्वालहरु हुन्छ । आखिर किन यी प्वाहरु राखिएका हुन् त ? कहिल्यै यसको बारेमा सोच्नु भएको छ । आउनुहोस् यसको बारेमा केही चर्चा गरौं ।

डिस्क ब्रेकको प्रयोग विभिन्न प्रकारको सवारी साधनमा गरिन्छ । कारमा त झन् अलोय ह्विल पनि समावेश गरिएको हुन्छ । डिस्क ब्रेक ड्रम ब्रेकको तुलनामा निकै सुरक्षित हुन्छ । साथै सवारी साधन कन्ट्रोलिङको लागि पनि डिस्क ब्रेकमा धेरै प्वाल राखिएको हुन्छ । पानीमा वा हिलोमा कार चलाउँदा पनि हिलो यही प्वालबाट निस्कियोस् भन्नका लागि पनि यस्ता प्वाल बनाइएका हुन्छ । प्वाल भएका कारणले गर्दा पानी पनि चाँडै सुक्छ ।

सेफ्टीका लागि पनि डिस्क ब्रेक निकै महत्वपूर्ण फिचर हो । यसको प्रयोगले ब्रेक लगाउँदा ब्रेक प्लेट र ब्रेक प्याड बीचको घर्षणले कार चाँडै रोक्छ । बारम्बार ब्रेक लगाउँदा डिस्क ब्रेकमा प्वाल हुने हुनाले यो चाँडै भाँचिदैन । प्वालहरु धेरै भएकाले हावा सजिलै पास हुन्छ र पुनः पहिला कै स्थितिमा आउँछ । यसले दुर्घटना हुने सम्भावनालाई पनि कम गर्छ ।

डिस्क ब्रेक ड्रम ब्रेकको तुलनामा पनि निकै आकर्षक देखिन्छ । यसलाई सर्भिस गर्न पनि कम खर्च लाग्छ । यसका साथै बारम्बार ब्रेक शु परिवर्तन गर्ने झन्झटबाट पनि मुक्त भइन्छ ।