यी कारको बिक्री बन्द भयो सन् २०२१ मा : इकोस्पोर्ट देखि यारिस सम्म

कोरोना महामारीका कारण सन् २०२१ सवारी साधन बजारमा निकै उतारचढाव आएको छ । कोरोना भाइरसको दोस्रो लहर र सेमीकन्डक्टर अभावका कारण अटो बिक्री घट्ने र कार लन्चमा ढिलाइ भएको थियो । २०२१ मा धेरै लोकप्रिय कारहरु भारतीय बजारमा बन्द भएका छन् । यसको असर नेपाली बजारमा समेत पर्ने निश्चित छ ।

भारतमा फोर्डले आफ्नो प्लान्ट बन्द गर्ने समाचार सार्वजनिक भए पछि यसले निकै चर्चा पायो । यससँगै नेपाली बजारमा समेत उपलब्ध फोर्डको इकोस्पोर्ट, एन्डेभर, फगो, फ्रिस्टाइल र एस्पायर लगायतका सवारी साधन अब उपलब्ध नहुने भएको छ । यद्यपि नेपाली बजारमा अन्य देशबाट उत्पादित फोर्डका सवारी साधन भने उपलब्ध हुने कम्पनीले बताइसकेको छ ।

विशेष गरी फोर्डको इकोस्पोर्ट धेरैले सम्झिने एसयूभी हो । सो एसयूभीले भारतमा सब–कम्प्याक्ट एसयूभीको चलन सुरु गरेको थियो । लामो समय सम्म अपग्रेड नगरिए पनि राम्रो बिक्री भइरहेको एसयूभी हो ।

त्यसैगरी स्कोडा -यापिड लन्च भएको लगभग एक दशक पछि यसको उत्पादन बन्द गरिएको छ । स्कोडा-¥यापिड कम्पनीको लाइन–अपमा सबैभन्दा धेरै बिक्री हुने कार थियो । यद्यपि, यसलाई जेनेरेशन अपडेट वा प्रतिस्थापनको कडा आवश्यकता थियो । अब कम्पनीले यसको सट्टामा स्कोडा स्लाभियालाई बजारमा उतारेको छ ।

यो वर्ष देखि उत्पादन बन्द गरिएको अर्को सवारी साधन हो टोयोटा यारिस । टोयोटा यारिस कम्प्याक्ट सेडान थियो । सो सेडान कार ३ वर्ष भित्रै बन्द गरिएको थियो । टोयोटा यारिसले कार खरिदकर्ताहरूमा स्थायी छाप छोड्न सकेन ।

सो कारको बिक्री घट्दै गएपछि कम्पनीले सो मोडल बन्द गर्ने निर्णय गरेको थियो । टोयोटा यारिस सेडानलाई मारुती सुजुकी सियाजमा प्रतिस्थापन गर्ने अपेक्षा गरिएको छ, जसलाई टोयोटा बेल्टा भनिनेछ ।

त्यसैगरी फक्सवागनले टी–रक कम्प्याक्ट एसयूभी बन्द गर्ने निर्णय गरेको छ । लामो समय सम्म चलेको भए पनि टोयोटाले यसको उत्पादन बन्द गर्ने निर्णय गरेको हो ।