बीवाईडीको इलेक्ट्रिक बसले लन्डनको डबल–डेकरलाई प्रतिस्थापन गर्ने

न्यू इनर्जी भेइकलको उत्पादनमा तहल्का पिटिरहेको बीवाइडीले अव लन्डनको पुरानो वस सेवालाई समेत प्रतिस्थापन गर्ने भएको छ । बीवाईडीले डीवी११ डबल डेकर इलेक्ट्रिक बस बेलायतमा लन्च गरेर यस्तो संकेत दिएको हो ।

यो नयाँ वस संचालनमा आएपछि यसले १३ वर्ष देखी हाइब्रिड डबल डेकर वस चल्दै आएको रुटमास्टरलाई प्रतिस्थापन गर्नेछ । ‘वोरिस वस’ समेत भनेर चिनिने यी वस सन् २०१७ मा बन्द भएको थियो ।

नयाँ डबल डेकर इलेक्ट्रिक बसमा ५३२ किलोवाट आवरको ब्याट्री प्याक रहेको छ । जुन बेलायतमा कुनै पनि व्यावसायिक गाडीमा सबैभन्दा ठूलो हो ।

वीवाईडीको यो वसले प्रति किलोवाट ०.९ माइल रेन्ज दिने र एकपटक फुल चार्ज गरेपछि ४०० भन्दा बढी माइल यात्रा गर्न सकिने दावी गरिएको छ । मोड्युलर ब्याट्री सिस्टम दिइएको यो बसमा ब्लेड ब्याट्री प्रयोग गरिएको छ । वसलाई १० देखी १२ वर्षसम्म ढुक्कले प्रयोग गर्न सकिने जनाइएको छ ।