परिक्षणका क्रममा देखियो बीवाईडीको नयाँ एसयूभी, एट्टो३ भन्दा केही ठूलो हुने

बीवईडीको नयाँ बिद्युतिय एसयूभी परिक्षणका क्रममा देखिएको छ । आधिकारिक रिलिज हुनुभन्दा अगिाडी युआन म्याक्स एसयूभी देखापरेको हो । सो नयाँ मोडल हालको एट्टो३ र सिलायन६ को विचमा रहनेछ ।

बीवाईडीले यसअघि आफ्नो डाइनास्टि सिरिज अन्तर्गत एट्टो२ र एट्टो३ ल्याइसकेकोमा अव उक्त सिरिजमा सबैभन्दा ठूलो साइजको नयाँ मोडल युआन म्याक्स थप्न लगेको हो ।

सो नयाँ ईभीको अगाडिको छेउमा लामो हेडलाइट सहित डाइनास्टि सिरिजको विशिष्ट डिजाइन डिएनएलाई निरन्तरता दिइएके छ । कारको अगाडि ठूलो ट्र्यापेज आकारको एयर इन्टेक राखिएको छ । एसयूभीमा परम्परागत साइड–भ्यू मिररहरू, रुफ -याक र अगाडिको फेन्डरमा ब्लाइन्ड स्पट मोनिटरिङ क्यामेरा उपलब्ध हुनेछ ।

सो नयाँ एसयूभीको आकारबारे बीवईडीले कुनै जानकारी बाहिर नल्याए पनि यो एट्टो३ भन्दा केही ठूलो र सिलयान ६ भन्दा सानो हुने अनुमान गरिएको छ । युआन म्याक्समा युआन (元) प्रतीकको साथ नयाँ दुई स्पोक डबल डी आकारको स्टेयरिङ ह्वील उपलब्ध हुनेछ । स्टेयरिङ पछाडि गियर शिफ्टर र सानो एलसिडी इन्स्ट्रयुमेन्ट प्यानल लुकेको हुनेछ ।

सेन्टर कन्सोलमा बीवाईडीको सिग्नेचर रोटेवल फ्लोटिंग स्क्रिन राखिने सो नयाँ कारको सेन्टर टनेलमा फराकिलो डिब्बा, वायरलेस फोन चार्जिङ प्याड, भौतिक बटनहरूको ब्लक र दुई कप होल्डर पाइनेछ ।

युआन म्याक्समा ५० किलोवाट आवरको एलएफपी ब्याट्री र १४० किलोवाट क्षमतको मोटर जडान हुने अनुमान गरिएको छ । यस कारले एकपटकको सिंगल चार्जमा ४३० किलोमिटर रेन्ज दिने अपेक्षा गरिएको छ ।