बीवाईडी सील ०८ र सिलयान ०८ को टिजर सार्बजनिक, कहिले हुँदैछ लन्च ?

बीवाईडीले आफ्नो ओसियन शृङ्खला अन्तर्गत दुई नयाँ हाई–इन्ड फ्ल्यागशिप मोडल सील ०८ सेडान र सिलायन ०८ एसयूभीको को टिजर सार्बजनिक गरेको छ । यी दुबै मोडेल २०२६ को पहिलो त्रैमासिकमा नयाँ बीवाईडी प्रविधिहरू सहित अनावरण गरिने तालिका छ ।

दुबै मोडेल ओसियन एस कन्सेप्ट कारमा आधारित छन्, जुन अप्रिल २०२५ को शाङ्घाई अटो शोमा डेब्यू गरिएको थियो । दुबै कारमा ओसियन एस्थेटिक २.० डिजाइन ल्यांग्वेजको नयाँ जेनेरेशन प्रस्तुत गरिएको छ ।

बीवाईडीले फेब्रुअरीको सुरुमा चीनमा आफ्नो सील ०८ इलेक्ट्रिक सेडानको लागि बिक्री इजाजतपत्रको लागि आवेदन दिएको थियो । जसअनुसार यस कारको लम्बाई ४७२० मिमी, चौडाई १८८० मिमी र उचाई १४९५ मिमी तथा ह्वीलबेस २८२० मिमी हुनेछ ।

सील ०८ को इन्ट्री–लेभल ट्रिममा बीवाईडीद्वारा विकसित इलेक्ट्रिक मोटर टिजेड१८०एसएक्सआर राखिएको छ, जसको अधिकतम पावर आउटपुट ११० किलोवाट छ । कारमा ४६.१ किलोवाट आवर क्षमताको ब्लेड ब्याट्री प्याक जडान गरिएको छ । यस ट्रिमले ४७० किलोमिटर रेन्ज दिने दाबी गरिएको छ ।

अर्को शक्तिशाली ट्रिममा टिजेड२००एक्सएसबीई इलेक्ट्रिक मोटर जडान गरिएको छ, जसले १६० किलोवाट आउटपुट गर्दछ । यस ट्रिममा बीवाईडीले ५६.६ किलोवाट आवर क्षमताको ब्लेड ब्याट्री जडान गरेको छ, जसको अधिकतम रेन्ज ५४५ किलोमिटर दाबी गरिएको छ ।

सिलायन ०८ को सन्दर्भमा, यस नयाँ कारको लम्बाइ ५०४० मिमी र ह्वीलबेस लगभग २९५० मिमी हुनेछ । चिनियाँ समाचार आउटलेट १६३ का अनुसार, यस कारमा २+३+२ गरी कुल सात–सिटर लेआउट हुनेछ । सिलायन ०८ को हकमा भने कम्पनीले ब्याट्री प्याक, मोटर क्षमता र अन्य प्राबिधिक विवरणहरु बाहिर ल्याएको छैन ।