बीवाईडीले पहिलो पटक चीन वाहिर मेक्सिकोमा ग-यो लन्च, ल्यायो शार्क पिकअप

बीवाईडी शार्क पिकअप मेक्सिकोमा लन्च गरिएको छ । विश्वकै सबैभन्दा ठूलो ईभी निर्माता कम्पनी बीवाईडीले पहिलो पटक आफ्नै देश वाहिर आफ्नो उत्पादन लन्च गरेको हो ।

मेक्सिकोमा यस प्रकारको पिकअप ट्रकको माग धेरै भएकाले मेक्सिकोलाई छनोट गरिएको चिफ अफ अमेरिकाज स्टेला लीले बताए ।

अमेरिकी राष्ट्रपति जो बाइडेनले चाइनिज ईभीमा धेरै कर लगाउने घोषणा गरेको केही घण्टामै सो पिकअप लन्च गरिएको हो । बीवाईडीले मेक्सिकोमा समेत प्लान्ट बनाउने योजना बनाइरहेको छ र यसले आफ्नो व्यवसायमा असर नपार्ने लीले बताए । अमेरिकामा आफ्ना उत्पादन उपलब्ध गराउने योजना नभएको समेत उनले बताए ।

मेक्सिकोमा रहेका टोयोटा टकोमा र फोर्ड रेन्जर जस्ता पिकअपसँग यसको प्रतिस्पर्धा हनेछ ।

बीवाईडी शार्कले ईभी मोडमा सिंगल चार्जमा १०० किलोमिटर सम्म यात्रा गर्न सक्छ । त्यसैगरी इलेक्ट्रिक र कम्बसन दवै मेथड प्रयोग गर्दा यसले ८४० किलोमिटर यात्रा गर्न सकिने बताइएको छ ।

यसमा बीवाईडीको डीएमओ प्लेटफर्म प्रयोग गरिएको छ, जहाँ ओ भनेको अफरोड र डीएम भनेको ड्युअल मोड बुझिन्छ ।

यसमा २९.५८ किलोवाट आवरको ब्लेड ब्याट्री प्रयोग गरिएको छ । यसमा रोटेटेबल सेन्टर स्क्रिन छ भने इन–भेइकल भोइस कन्ट्रोल सपोर्ट गर्छ । यसैगरी एनएफसी डिजिटल कि र हेड्स अफ डिस्प्ले जस्ता फिचर रहेका छन् ।

आगामी दिनमा विश्वका अन्य देशमा समेत यो पिकअप उपलब्ध हुने अपेक्षा गर्न सकिन्छ ।