बीवाइडीको प्राथमिकतामा नेपाली बजार, ठूलो संख्यामा एट्टो–३ नेपाल पठाउँदै

विश्वकै अग्रणी इभी निर्माता बीवाइडीले नेपाली बजारलाई प्राथमिकतामा राख्न थालेको छ । हालै कम्पनीको एसिया प्यासिफकले सामाजिक सञ्चाल फेसवुकमा नेपाल पठाउन तयारी अवस्थामा राखिएको एट्टो–३ वारे एक पोष्ट सार्वजनिक गरेपछि यस्तो तथ्य सार्वजनिक भएको हो ।

कम्पनीले नेपालको बजारलाई प्राथमिकताका साथ हेरेको फेसबुक पोष्टले देखाउँछ । फोटोमा विभिन्न कलर अप्सनका गाडीहरु तयारी अवस्थामा राखिएको देखिन्छ । बीवाइडीले हिमाली भेग हुँदै नेपाल डेलिभरी हुन लागेको गाडीलाई ‘एक्साइटिङ जर्नी’का रुपमा व्याख्या गरेको छ ।

चिनियाँ गाडीहरु पछिल्लो समय केरुङ नाका हुँदै नेपाल भित्रिने गरेका छन् नेपालमा बीवाइडीका गाडीहरुको माग राम्रो छ । नेपालका लागि बीवाइडीको आधिकारिक बिक्रेता साइमेक्स इंकले अहिले एट्टो–३ लाई प्राथमिकतामा राखेर बिक्री गरिरहेको छ । सो गाडी तीन भीन्न पावरट्रेनमा उपलब्ध रहँदै आएको छ ।