९०० किलोमिटर रेन्ज सहित बीवाईडी सिलायन ०८ सार्बजनिक, मूल्य कति ?

बीवाईडीले ओसियन सिरिज अन्तर्गत आफ्नो फ्ल्यागशिप विद्युतीय एसयूभी सिलायन ०८ सार्बजनिक गरेको छ । चीनमा जारी वेइजिङ अटो शोमा नयाँ एसयूभी सार्बजनिक गरिएको हो ।

५ र ६ सिट लेआउटमा उपलब्ध यस एसयूभीमा बीवाईडी ग्रेड ट्याङ क्रसओभरमा उपलब्ध नयाँ प्रबिधी उपलब्ध गराइएको छ । जसमा, डुअल–चेम्बर एयर सस्पेन्सन र रियर–ह्वील स्टेयरिङ समावेश छन् । फ्ल्यास चार्जिङ प्रबिधीलाई समेत सपोर्ट गर्ने यस एसयूभीको बोर्डमा दोस्रो जेनेरेशन ब्लेड ब्याट्री जडान गरिउको छ । उक्त ब्याट्रीलाई नौ मिनेटमै १० देखि ९७ प्रतिशतसम्म चार्ज गर्न सकिन्छ ।

सिलायन ०८ क्रसओभरको सबैभन्दा ठूलो आकर्षणका रुपमा डुअल–मोटर अल ह्विल ड्राइभ सिस्टमलाई लिइएको छ । ब्याट्रीका बारेमा कुनै जानकारी बाहिर नआएपनि यसले सिंगल चार्जमा ९०० किलोमिटर सीएलटीसी रेन्ज दिने दाबी गरिएको छ । यद्यपी केहि मिडिया रिपोर्टका अनुसार सिलायन ०८ मा बीवाईडीले ग्रेट ट्याङको १३०.५ किलोवाट आवर एलएफपी ब्याट्री उपलब्ध गराउनसक्ने अनुमान गरिएको छ ।

नयाँ एसयूभी यसै वर्षदेखी बजारमा उपलब्ध हुने र मूल्य ४४ हजार अमेरिकी डलर पर्ने अनुमान गरिएको छ ।