भक्तपुरको सल्लाघारीमा खुल्यो बीवाईडीको नयाँ शोरुम

बीवाईडीले भक्तपुर सल्लाघारीमा नयाँ सुविधा सम्पन्न शोरुम सञ्चालनमा ल्याएको छ । कम्पनीले भव्य समारोह बीच वि माई अटोमोबाइल्सको नाममा नयाँ शोरुम उदघाटन गरेको हो ।

शोरुम शुभारम्भ गर्दै वि माई अटोमोबाइल्सका प्रबन्ध निर्देशक नरेन्द्र कुमार रानाले ग्राहकहरु माझ बढ्दै गएको बीवाईडीको लोकप्रियतालाई मध्यनजर गर्दै नयाँ शोरुम सञ्चालनमा ल्याउन पाँउदा आफू निकै उत्साहित भएको र ग्राहकहरुको बढ्दो मागलाई परिपुर्ति गर्दै निरन्तर गुणस्तरीय सेवा तथा सुविधा प्रदान गर्न बीवाईडी प्रतिबद्ध रहेको जानकारी गराए ।

सो अवसरमा बीवाईडीको नेपालका लागि आधिकारिक वितरक साइमेक्स इंकका सीईओ शाहिल श्रेष्ठले बीवाईडी ब्रान्ड र नेपालमा यसको लोकप्रियता वारेमा र बीवाईडीका ब्रान्ड एम्बेसडर कलाकार हरिबंश आचार्यले बीवाईडी र विद्युतीय सवारी साधन चढ्दा हुने फाइदा वारेमा जानकारी प्रदान गरेका थिए ।

नेपालको विद्युतीय गाडीको बजारमा राम्रो बजार हिस्सा ओगटेको बीवाईडीले नयाँ इलेक्ट्रिक एसयूभी एट्टो थ्री सार्वजनिक गरेसँगै नयाँ शोरुमहरु पनि सञ्चालनमा ल्याइएको छ । बीवाईडीको गाडी चढ्ने हरेक ग्राहकको आवश्यकता पूरा गर्न बीवाईडीले विक्रेता सञ्जाल विस्तारलाई विशेष प्राथमिकता दिई अघि बढिरहेको बताएको छ ।

बीवाइडीले नेपालभरि आफ्नो सञ्जाल विस्तार गरिरहेको छ र वीरगन्ज र जनकपुरमा पनि डिलरहरु नियुक्त गरेको छ । उक्त स्थानका शोरुमहरु पनि चाँडै नै सञ्चालनमा आउने कम्पनीको भनाइ छ ।